إحدى روائع الرائع الشاعر : مساعد الرشيدي






[poem=font="Simplified Arabic,5,blue,bold,normal" bkcolor="transparent" bkimage="" border="none,medium,gray" type=3 line=1 align=center use=ex num="0,black"]
آخر عباراتي وداع ..وآخر مشاويري رحيل= جيتك وبي لفحة ظمى وأقفيت كبدي ناشفه

أصعب كلام أصعب خبر .. صرخه ..عقب صمت ٍ طويل= مثل الهدوء اللي سبق لحظة هبوب العاصفه

وإنتي بمتناول يدي ... تبدين مثل المستحيل= في عشرتك صوت العقل يقتل طموح العاطفه

الحب ماهو كل شي إليا وقف حظ ٍ بخيل= قلوبنا مثل العسل بس الظروف مخالفه

لاللندم ..لاللعتب .. أوشي من هذا القبيل =وانتي ماجا منـّـك خطا حتى تقولي آسفه

من غير ليه .. استسلمي ..واستلهمي صبر ٍ جميل= ولاتسأليني وش جرى مالك بطول السالفه

قولي لهم ياعزوتي ماعابنا موت النخيل= اللي يوافيها الأجل وتموت لكن واقفه

آخر عباراتي وداع .. آخر مشاويري .. رحيل= جيتك وكبدي ناشفه وأقفيت كبدي ناشفه [/poem]