السلام عليكم
والله العظيم وانا اشهد بالله ان كل واحد منا محاسب على هذه النعم كم واحد منا حضر مناسبة فيها مهايط حقيقي وبذخ وكرم مزيف وسكت ولا استطاع ان يناصح ولو سرا
انا اذكر قبل سنتين يخبرني احد الأخوة يقول كان اخي الكبير معزوم عند واحد على افطار رمضان فقال تعال معي معزوم عند فلان وكنت اعرفه عن طريق اخوي قال وافقت وركبنا السيارة ووصلنا سراة عبيدة وقد كان يسكن المضيف هناك وهو ليس من اهل السراة يقول وصلنا قبل المغرب ودخلنا لقينا قدامنا خمسة رجاجيل بمافيهم المضيف وكلهم شباب يعني اكبرهم في ال40من عمره وقبل الاذان احضروا الافطار في المشب ويقول كانت المفاجأة لي ان الافطار تمر ولبن وقعود حنيذ كامل كما في الصورة اللي فوق ومعه اظن تيس او تيسين مضبيه يقول افطرنا وسرنا نصلي المغرب وانا على بالي انهم استعجلوا وين باقي الناس والضيوف وقلت الله يستر لايكون الرجال يفتشل يجون الناس قد تعشينا يقول والله رجعت من الصلاة وعلى طول قلطنا على الصحن وكان معد من قبل الصلاة قال قمت اتلفت في اخوي الكبير مستغرب كل هذا لنا بس 7 فقط لاغير يقول والله حسيت من طريقة تراحيبه وصوته ونبرته انه بس يبي يقول فطرنا فلان على قعود وضحكاتهم لأول مره في حياتي اشوفه التبذير والمهايط الحقيقي بدون مبالغة يقسم بالله انه ما قدر يذوقه وادعى انه تعبان من بطنه وقام ويقول بعد ماطلعنا سألت اخوي كيف ترضى هذا الان رمضان وفيه ناس ماتلاقي افطار ولو حبة تمر وهذا يحط قعود كامل وتيسين ل7 اشخاص ........ لا ادري كيف انتهى حوارهم بس اللي اعرف انه اصر على اخوه ان يناصح المضيف وان يذكره بايام اباءه واجداده وأيامه هو يوم كان صغير

كل واحد منا يبي يكرم ضيفه ويبي العلم الغانم والذكر الطيب بين الناس وهذي ماتجي بالمهايط وان حصلت مره فلن تدوم على الاطلاق وعلى شان تعرف المهايط من الصادق زر اي واحد مهايطي وانت ماتعرفه ولا يعرفك وانا اتحدى ان قام بواحد في المئة من حقوق الضيف لأنه مايعرفها اصلا ولا يقدرها والتجربه اكبر برهان

اللهم لاتؤاخذنا بمافعل السفهاء منا
دمتم بخير