رد : قصيدة ( لؤلؤي) للشاعر شايع بن فارس العيافي ( مشهور الخيال )
اقتباس:
|
المشاركة الأصلية كتبت بواسطة ابن عياف
صاحبي في لازمي والحاجه اللي
لاطرتلي ماذكرت الا السنافي
انت محزم جود والا ناويلي
نية المحروم فالسبع العجافي
ماقنينا الا خيار وخابرلي
فيك من " وصل العيافي للعيافي "
يا ابلج المطلاع يالنجم المطلي
يا زبون الوصل قطاع الفيافي
" لؤ لؤي "ينزل منازيل المظلي
لأحتمى طاروقي وغنيت قافي
كنه اليا اقبل على رمان بلي
ما ينوش الا مناش اقدام حافي
صممه ملا يصوم ولا يصلي
ما نسف سجادته فوق الكتافي
قال " لكزس " قلت واخذ ولاتخلي
موكب الجاهات واصحاب الملافي
ايتمريع لايتل ولا يتلي
مركبٍ عدا الثقال من الخفافي
لي عليه مطارد اللآل المولي
وله علي اشيكه " در المصافي "
وان وطابي حيلة المبلي " حولي "
نزل الرحمن حملٍ من كتافي
اوجب المطراش واعذربي محلي
بلغوا حيٍ عوايده التجافي
حطني بين المعلي والمدلي
واستذار وقال ماحوله خلافي
استويت من الغلا واقبلت كلي
واستباح الود خافية الخوافي
ياوجودي من هضايم طاريلي
كلمةٍ قد قالها والجو صافي
جازعٍ منها .. وخفاقي مغلي
جزعت البدّان من روس الظلافي
والله انها سممت دقي وجلي
وانها طافت على قلبي طوافي
يا معاسير الوفق حلي وزلي
ويابنات الوصل .. عجلات الولافي
بشروني كان عاده منحي لي
ذابت عيون السهر " يالله يكافي "
والله انه من عنا عيني بحلي
يرجع وترجع رزاياها عوافي
مايجوز لمن يصوم ومن يصلي
يغضب الرحمن ويذكي عيافي..؟؟
نشرت بتاريخ 10-07-2004 |
ابن عيـــــــــــــاف
الحضور المميز والإختيار العذب والنقل الرائع
لك كل الشكر والتقدير على كل شئ
وصح لسان الشاعر
وسوف نبقى منتظرين لما تجود به من روائع
كل عام وأنت بخير وتقبل صادق الود،،