[poem=font="Simplified Arabic,5,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
سعد القحطاني

ياهجوسٍ فالملاقا ماتاخذ مـن قليـل =اسعفيني شايفٍ ذيب ماجاذب عـواه
يابن حبشان اقرب آصب لك بنٍ وهيل =من دلال تنعش الراس وتطير خـواه


سعد بن مناحي بن شفلوت

ياهجوس ٍ في الملاقـا توفـي كـل كيـل =اسعفينـي والله اعلـم عميلـي وش نـواه

من وقف في الموقف الصعب سوّا المستحيل =وابشر بمن يكشف الجـرح ويحضـرّ دواه


سعد القحطاني


جابك الله ليلنا ليل نـد الفيـن ليـل =نحمد اللي حقق الحلم مانعبـد سـواه
البروق تلوح من عصر ماسال المسيل =مابقى إلا نكتب العقد ونجيب الـدواه


سعد بن مناحي بن شفلوت
جابني رب البشر لاتميـل ولانميـل =قبل انزل مستوى اللي ماينزل مستواه


ابتلشنا في الهدف والمحطه والمديـل =كل منهو عين الصقر صاده واشتواه


سعد القحطاني

لامشيت الدرب لاتحسب إن المتر ميل =صاحبك يتبع هوى صاحبه وايضا هواه
قلت لك قم واقدح النار بخشوم الفتيـل =والخبر قدمك مضمونه وصيغة محتواه


سعد بن مناحي بن شفلوت

انت راعي الاوله يالسمي وانت الوكيـل =والدليل اليا بغى الدرب الاوسط ماغـواه


مايحكم الشيخ فـي التهمـه الا بالدليـل =والشهود اللي لقا الشيخ من ضمن الرواه

سعد القحطاني

راقـب الله واذكـره لاتحـط ولا تشيـل =والله إنا لـو نسمـي عليكـم قلتـو آآآه
يزهمك مضهود من عاما الأول ماش حيل =مرهقـه وقتـه وعلـمٍ نوابـه ماقـواه

سعد بن مناحي بن شفلوت


بين عشاق الجزيله وكساب الجميـل =من سرح يومه مايبلش بليله لاضواه

لاتذكرنـي بعصـر المقمـع والفتيـل =انت لاعب محترف بس في نادي هواه
سعد القحطاني


والبلا لاصار عشاقها مومـي شليـل =في زحام القوم طاوي ماظاقو من طواه
تدري إن ملح البحر مايسمى سلسبيل =في فقارة نجد مابه لاتمـر اولا نـواه


سعد بن مناحي بن شفلوت

لايهمك من تعود على الحمل الثقيل =لاتحسب ان كل من جود ذراعه لواه

والعليل اللي لقى الدايره والمستطيل =ردها يم المطـوع وعيـا ماكـواه

سعد القحطاني

كل واحد قال انا شوق منسوع الجديل =والله اعلم قالو ابليس ملعـونٍ ثـواه
من لقاله جمة بارده عبـا الصميـل =مير لو يشرع بهداج ما ينضب رواه[/poem]

__________________