ابصراحة قوية جدا في سراة عبيدة كل هذا

اما انا بيجيني خلل في المخ الى متى نضل شعب مع الاسف ساذج كل واحد ممكن يستغفلنا ويضحك علينا وينصب علينا
تخيلوا هذولا المجموعة كم دمروا من شباب وكم جمعوا من اموال والله احترنا في انفسنا ياناس
ان تعاملنا بالطيب ضحكوا علينا واستغفلونا وان تعاملنا بالشين جابوا لنا حقوق الانسان ..؟؟
بصراحة العتب على كل مواطن كبير وخصوصا في المنطقة ونحن جزء منهم اما اللوم فهو على الجهات المعنية كااااااااااافة لابد من توعية حقيقية بخطورة العمالة الوافدة نعم المسلم منهم اخونا في الدين والغير مسلم كفل له الشرع حقه لكن في الاخير هم خطر يجب ان يعاملوا بحذر ولا بد ان المستهدف اكيد العمالة الاخرى في اجراء المكالمات الدولية لكن بكرة يجي الدور على نشر افلام الرذيلة على مراهقي المجتمع وبعده ما ابي اتشاءم اكثر من كذا

ومع هؤلاء البنقالية انا متأكد ان فيه الكثير من الافغان من مروجي المخدرات والباكستانيين وقد لفت نظري اثناء تجولي في احد قرى المنطقه احد التجمعات الكبيرة للافغان ماتقول ان فيه افغاني الا ماهو هناك ولا فيه ونش ولا برميل الا ماهو هناك والغريب الغريب الغريب ان لا احد يسال عنهم ولا هن اقاماتهم ولا يتم التفتيش عليهم ابدا
واقسم بالله اني وقفت عند واحد منهم على جانب المحطة ومعي احد اصدقائي وقد كنا رأيناه جالس ونحن نعبي البنزين واخذنا نتكلم عن خطرهم وقلت بنمر عليه ونشوف ايش عنده والله العظيم ياناس اني دخلت له عرض بعد ماسلمنا عليه وتظاهرنا بالخوف والارتباك وحن في سيارتنا مانزلنا وهو متربع على الرصيف اللي تو سكنه قلت له ابي دنميت قال مافيه قلت الموضوع مستعجل عندنا بير ضروري قال انت من وين قلت مايهمك انا يشيل من هنا من اي مكان قال انت معلوم الحين خطر مافيه قلت بس كرتون ما ابغي كثير قال كم يدفع قلت مايهم فلوس 2000 زين ضحك وكهكه وانا والله ماعرف اسعاره بس حطيت الرقم من عندي قال انت مافيه معلوم انت يدفع 5000 انا يجيب بيت طبعا قلت له لا مابدفع وتحادثنا قليلا وقال انا يشتري 4000 كيف يبيع 2000 هذا زمان اول ياشيخ يريد ولا مافيه كلام زياده
وطبعا غلطنا غلطة كبيرة جدا انا اعترف فيها اني مابلغت عليه بس ثقتي في تعامل الشرطة في ذي المواضيع خلتني اقول حسبي الله عليك ياخان انا بعدين يجي وروحنا من عنده مع الاسف بدون مانبلغ وهذا خطأ مني لن يتكرر انشاء الله وأعود للموضوع ان الجهات الحكومية في سراة عبيدة خبر خير على قولتهم يعني السرقات منتشرة بأنواعها سرقات البيوت سرقات السيارات سرقات الاغنام عدم اقتناع الناس في المنطقه بالشرطه والمرور والانظمه المجمده في ادراج الادارات جعلت المنطقه الى الان مسرح للعب يعني اذا كان في السراه كلها دورية وحده او دوريتين فقط داخل السراة وطبعا وحده تدور والدورية الثانيه ترقد وهكذا تناوب اما باقي الطرق التي تؤدي الى السراة فتخلوا من الدوريات جميع الطرق سواء من جهة الحرجة او من جهة الخمسي او من جهة بني بشر او من جهة الوهابه
وكنت اتمنى ان نرى على هذه الطرق دوريات وخصوصا في الليل والاهداف من هذه الدوريات كثيرة جدا لكن على قولة المثل العربي( حاك من يسمع ولقم من يقنع) ولا قولة المثل الشعبي.. (لقد اسمعت لو ناديت حيا....... ولكن لاحياة لمن تنادي)

اتمنى ان تفتح قنوات للمواطنين لايصال المعلومات الى الشرطة او الهيئة بطرق سهله وسريعه وان يتعاون كل المواطنين والمقيمين بالابلاغ عن اي اشتباه في اي حدث او مكان او انسان وان تستطيع الجهات المعنيه من تتبع الحالات وتقييمها ثم اتخاذ الاجراءات اللازمة لردعها ان تأكدت

اخيرا شكرا لهيئة الامر بالمعروف والنهي عن المنكر وجزاهم الله الف خير

دمتم بخير