[poem=font="Simplified Arabic,6,black,bold,normal" bkcolor="transparent" bkimage="backgrounds/15.gif" border="double,medium,black" type=2 line=0 align=center use=ex num="0,black"]
اسعد الله اوقات الجميع بالخير والمسرات


ياراسي اللي مايمّل من المشاكل والصداع = لا طاع وقته وانعسف ولا لقى احدٍ طايعه

ودّه يشيل من الصبر والضيم قدر المستطاع = من شان شخصٍ يمتلك قلبي وصده لايعه

حطيته الحاكم على قلبي وانا لامره مطاع = لكن جيت ابايعه ولا قدرت ابايعه

خلاّني آمتر شوارع ديرته شبر وذراع = الين ورطني معا ربعه ومع جمايعه

وقمت اتعذّر بالثنيه واتعذّر بالرباع = واقول ياربي عساها ماتشيع الشايعه

ولامن نشدته وقتها يقول اخاف من الضياع = ومانيب ابي ثلجة غلانا ياحبيبي مايعه

عذره حياته في ترف واكبر طموحاته متاع = وعذري بدويٍّ طاح له باحلام لليلٍ ضايعه

ماعنده الاّ شي لا يشرى ولا يمكن يباع =( قلبٍ يموت ولايغيّر طبع من طبايعه )

صحيح ما انكر قلت لك اخذيني الصلب الشجاع = حتى لو تقطّين عظمي للكلاب الجايعه

لكن تبقى هامتي ترقى رفاعٍ في رفاع = وباموت ماهزّت كياني بنت مثلك صايعه

وامّا خفوقي ما عقب دمع العيون الا الوداع = ودعته اللي مايضّيع دايمٍ ودايعه [/poem]

__________________
قالها اللي مايخوجل في كلامه _عاطفي(ن) يعتزي بالعاطفيه