هذه القصيده للشاعر/
عيسى بن محمد بن مسهي العرجي

[poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
شبحي مع اهل الوفاء والطيب واداني=حتى قطعت البحور السبع باكملها
عرفت قدري واميز وين ميزاني=وحط كل النشاما في منازلها
ادل دربي ليا منه بدى شاني=واميز الناس جاهلها و عاقلها
مانيب احب الخطا ولساني حصاني=واعرف بيوت الشرف واعرف مداخلها
وغلطة ردي المعرفه لو تنصاني=اصبر وقوي عزومي واتحملها
لا صار غلطة خبل وضعيف وهداني=اصد عن كلمة الجاهل واهملها
لو انها يا رجال العرف تعناني=نفسي لراع الردى مانيب انزلها
ارفع مع اهل الوفاء و الطيب نيشاني=واقوم بحقوق جيراني واكملها
ولا نيب ناسي حقوق الضيف والعاني=وحقوق ربعي من اخرها ليا اولها
وصات عودٍ على الطالات وصاني=وانا على منهج الوافين اوصلها
وقتٍ تغير وصار اشكال والواني=واحترت فالناس واحترت بتعاملها
هذا زمانٍ يدور ويتعب الساني=يومٍ اينقض احبال ويوم يفتلها
دنياُ علينا تقلب و العمر فاني=وكل ثيابه على قده يفصلها
طلبت ربي يثبتني و يهداني=هو الذي لا سمع دعواي يقبلها[/poem]

__________________

[poem font="Simplified Arabic,5,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
حن بني عارج لنا فـ المجد وقفات وبطوله=الفعول اشهودنا من قبل ينطقها اللساني

كل قرم(ن) من بني عمي تشرفني فعوله=لجلهم كرٌست مجهودي وطوعت المــعاني

كل مطنوخ(ن) على درب الوفا يشعب ذلوله=لازهمته يصهل ابصوته مثل صهل الحصاني

كاسيين الطيب بنواعه ومضمون الرجوله=واحمد الله كلنا ربع(ن) على الدنيا أخواني[/poem]