[poem=font="Arabic Transparent,5,white,bold,italic" bkcolor="transparent" bkimage="backgrounds/17.gif" border="double,5,gray" type=2 line=0 align=center use=ex num="0,black"]
يسبك اللي عاجز عن دروبك=لافاعل فعلك ولاهو مجنبك
عجيب ياقلبي وعجبت دروبك=ماشفت علم جايز لك ومعجبك
ياقلب حاسبني وحاسب ذنوبك=مدري بخلان الرخا وش مرغبك
وش ولعك في ناس ما قلدوا بك=ما ثمنوا حقك وقاموا بواجبك
ربع(ن)يذريها الذرى عن هبوبك=خسران لو تشكي عليهم مصايبك
ان حصلوا مقصودهم ربعوا بك=وسووا لك الخط الزلق لين يقلبك
وعند النهايه برقوا وضحكوا بك=كم ضحوك(ن) ولاهو مجنبك
ان كان ماتلمس يدينك جيوبك=في ذمتي من منهم اللي يصاحبك
اعرف على جسمك تفاصيل ثوبك =واترك مذاهبهم وعزز مذاهبك[/poem]هذه القصيده قرأتها في صفحة مدارات شعبية بجريدة الجزيره ...واعجبتني جدا لم فيها من معاني جزيله ...كما انها تتطرق الى فئه من الناس وهي قليله انشاء الله لاتحب الا نفسها تحب الانانيه وهم بلهجتنا الدارجه(الرخوم) جعلهم مايكثرون..
واخيرا وليس اخرا اشكر موقعناالمفضل فتحه مجال الكتابه والمشاركه في كل مايهم المتصفح لهذا المنتدى ...مما جعله اكثر قربا من كل القلوب.
وهذه القصيده المذكوره اعلاه ... للشاعر /رشيد بن زيد الزلامي العتيبي