[poem=font="Simplified Arabic,4,white,bold,normal" bkcolor="transparent" bkimage="backgrounds/21.gif" border="double,thick,deeppink" type=4 line=0 align=center use=ex num="0,black"]



انا البارحه في مسجد من بيوت الله=رفعت الدعاء والنفس ماهي بمسروره

قريت القصص والعنكبوت وذكرت الله=وسوره محمد جهر لنهايه السوره

وانا مسلم وارفع يديني لوجه الله=اناجيه ودموعي على الخد منثوره

هل الكفر والالحاد سبوا رسول الله=وسووا لوجه بالكاركتير كم صوره

ياصلى الله وسلم على افضل عباد الله=عدد ما انهمر مزن به القاع ممطوره

رسول الله اللي جاء يبّشر بدين الله=وهالحين وصل الدين في كل معموره

الا يالدنمارك انتوا اخس خلق الله=خساس صوركم كنكم كلاب مسعوره

عسى الله يدمر من تعدوا حدود الله=وباذن الكريم ان اهل الاسلام منصوره

ماشاء الله على قوه هل الدين ماشاء الله=وهل العذر لاتعذر ولاهى بمعذوره

من اللحين نعلنها قطاع ليوم الله=ونكتب قطاعتنا علي كل منشوره

وحن السعوديين في حكم عبدالله=ملكنا ذرنا نصره الدين اخو نوره

ابومتعب يحكم الجزيره بشرع الله=نحبه وناقف جنبه ونستمع شوره

لاوالله مانترك واجب الدين لا والله=عسى الله يعز الدار ويعز دستوره

هذا ما استطعت وباقي القول عند الله=وهاذي قصيده شاعر ثارت شعوره

وعلى محمد الهادي صلاه وسلام الله=عد مابدا فاج الصباح وظهر نوره[/poem]