محليا فر يق الفرسان( صقر الجزيرة سابقا)؟؟؟؟؟؟؟؟؟؟؟؟

عربيا : النصر العالمي : اخ بس قهر من اعتزل الهريفي وماجد ومحيسن والمطلق والنصر من جرف في دحديرا بس مانتخلى عنه اكيد ولاتفكرون اني متعصب

عالميا: كثير بس اللي يقهر ويخليك تحوس وتاكل اظافرك واذا خلصت تاكل شنبك ان فرقنا الله يخليها لنا من التسعينات وهي داقه ريوس والعالم رايحين بسرعه جنونيه يعني اذا شفت الدوري الاسباني او الايطالي او الانجليزي او البرتغالي او الالماني او الفرنسي او البرازيلي او الارجنتيني او حتى البرتغالي واليوناني والتركي والله تستغرب وين مستواهم وين مستوى لعيبتنا يعني حتى في الكوره متخلفين للاسف فضوهم وجلسوهم وخلوهم بس للكوره ومع ذلك بعد متخلفين عن العالم بمراحل طيب ماحد فهم ليش وين السبب حتى في ايجاد اسباب الفشل طلعنا اغبياء والله عادي انا اقترح اذا مافيه امكانيه للتطوير عادي عادي يمكن التقبيل مثل اي محل فواكه او مغسله او مندي مافلح راعيه يكتب عليه للتقبيل لعدم التفرغ(عاد وين عدم التفرغ وهم مالهم شغل الا الكوره) بس المشكله داخل امخاخ اللعيبه يا يجيك واحد متفلسف ومطنز وشايف نفسه اذا عنده كلمتين عنقليزي ويترزز قدام الفضائيات وتصريح جاي وتصريح رايح المهم تطلع صورته في التلفزيون واما واحد مخه مقفل نهائيا يعني حتى الكوره مايعرف ليش يلعبها والباقي قي النصف لاياخذ ولا يعطي
ابن غفره الله يسامحك خلنا من الكوره ايش جابنا لها( الله ....... من وردها) كلمه كان ابوي الله يجزاه عنا كل خير دوم يرددها اذا جا وقت العصر وشافنا ماغير نتحاوص يمين ويسار نبغى الفكه لايرسلنا في شغل ياخرنا عالملعب وايش من ملعب يازينه والله في طرفه نايفة مابه واحد من شباب الجماعه والضيوف المحترفين الا و لقي منها خير
بس ايش من لعب والله متعه وحماس احسن من لعب بعض الناس اللي ياخذ 8 و 4 ويقول منتخبنا لاخوف عليه
والملعب هذا طبعا غير ثابت لان الجماعه كل يوم في خصمه على الموقع مره مناشي ال فلان ومره بلاد ال علان ومره سيروا في الخره ايش تلعبون قدام بيوتنا رغم بينا وبينهم 10 كلم بس مع ذلك كنا مخلصين ونحب الكوره ونلعب من قلب ماياذن المغرب الا قد كل واحد طحاله في راس خشمه من الركض والسعي والمعافره

اخيرا احد ماشيخ الخليج في الستينات مره قالوا له احضر مباراه كرة قدم قال حاضرين وحضر المهم شاف الفريقين كلهم يطردون ذي الكوره المدوره ومامعهم الا كورة وحده داخل الملعب طبعا قال ايش بلاهم يطاردون ذي مافيه غيرها قالوا لا ياطويل العمر قال افا اعطو كل واحد كوره يلعبها ؟...؟؟

والله طلعت فلته في الكوره ومثقف رياضي متى يتصلون علي يسوون معي مقابله اكيد بانتظر

تحياتي