بسم الله الرحمن الرحيم


صلوا على محمد
[poem=font="Arial,6,blue,bold,italic" bkcolor="transparent" bkimage="" border="none,medium,gray" type=4 line=0 align=center use=ex num="0,black"]





لابوك يا اللي بالرجال تهاون=كنك ملكت الشمس والا المجرات


لو رحت واشنطن ولوجيت لندن=علومك علووووومك كماهي هزيلات


لاجيت لحمول(ن) بسيطة تسخن=الله ولا درب الضعف والهوانات


لمقابل الضيفان وجهك تلون=وش عاد لو جينا لبيتك جماعات


ودي بهم ناموا ولا قربوا الهن=اللي يخلف يابن الاجواد ما مات


بس انت لاحي مع الناس والجن =ولا ميت تبكي عليه الكحيلات


عزي لقلبك من الهواجيس والمن=وعزي لطرفك ساهر الليل ما بات


يااللي دبلت اللعب والمشكلة صن= لعبك على الايام دايم خسارات


مهتم بالموضات وتهيم بالفن= يا الله عليك المشتكى والنهايات


يا صاحبي تفدا هل الهيل والبن= وتفدا هل الطيبة ودرب السماوات


اللي لهم قلبي تولع ودندن =ودي على جلساتهم كل الاوقات


عيال ربع(ن) تقصر الشر وايضا(ن)=ما ترتخي للحمل وقت البليات


تعبت من جلسة هل الكذب والظن=ومن غيبة الغايب وعشق الجميلات


ومن جلسة الاسهم وعشاقة الين=ومن ضحكة فالوجه بعد العداوات


ومن جلسة الشامت لياقال احسن=ومن سالفة آهين آهيييييييين آهااااااااااات


ومن الرجا فيمن تحب تحنحن=ومن الوفا فيمن تحب التفاهات


واكبر غلط يوم اني ابيح الكن=للي علومه كلبوها دنيات


يا صاحبي كلن ولي فيه معدن=والسالفة ما هي لحون وحكايات


اروح وارجع وانت باقي مكرتن=خلك على حالك وانا للصعيبات[/poem]



وسلامتكم

__________________