قيلت هذه القصيده بمناسبة زيارة الشيخ / مناحي بن ذيب بن شفلوت شيخ شمل عبيده وإخوانه والشيخ /حسين بن معوضه الحبابي شيخ آل ملهي الرشده الحباب ويحيى بن فلاح الشهراني رئيس مركز ترج والشيخ / عائض بن ذيب الكنادي شيخ قبيلة آل كناد وتوجيبهم لدعوة الاستاذ/ عبدالله بن محمد بن فليان السبيعي


[poem=font="Simplified Arabic,4,white,bold,normal" bkcolor="transparent" bkimage="backgrounds/21.gif" border="solid,medium,gray" type=4 line=0 align=center use=ex num="0,black"]
عدد ماناضت بروق الخيال وسمع صوت رعود = هلا يامرحبا باللي لفونا ألفين ترحيبه
شيوخ من عبيده وشهران أهل الفخر والزود = هل الطالات والصولات والناموس والهيبه
تراحيب من الأعماق مثل الورد مثل العود = مثل نفح النفل والشيح نفح الطيب من طيبه
مطانيخ الرجال أهل الشهامه بالفعول تزود= هممهم عاليه فوق القمم ودروبها تعيبه
لهم تاريخ يزخر بالوقايع بالفعول تكود = يدوسون الخطر دوس النعال ولاهي رعيبه
شفاليتٍ تعلوا للثريا وأعتلوا بصعود= حرارٍ من حرار ٍمن حرار الطيب ترهيبه
لهم ماضٍ مجيد وحاضر فيه الفخر موجود= مناحي وأخوته من راس ذيب الذيب مايجيبه
مراكيضه بعيده لاركض يكسب خيار الذود=عمى لعيون عدوانه ويبهج ناظر صحيبه
يجيب الذيب مثله والأسد يرث وراه أسود = شيوخٍ من شيوخ ٍ شيخةٍ مالحقها ريبه
يقود الجموع وينطح الملح والبارود = زمان فات ولىَ وإنتهى والله لايجيبه
ومداغيش الرجال من الحباب اللي تفيد الفود= يضدون المعادي والخطر بالخوف تمشيبه
وخص اللي سطع نجمه وصيته له صدى وردود = ليا عمسن الأريا هو يدل الراي ويصيبه
محنك والتجارب زادته حنكه وزاد جهود= سواة اللي تقدم يتولم ينطح طليبه
مع ربعه تفقدهم من الشايب إلى المولود= حجيج ويفلج خصومه ولاراحت له ذهيبه
صبورٍ للشدايد مانحنى يرسي سواة الطود= حسين بن معوضه طيبٍ ربعه تماريبه
يحيى بن فلاح بطيب الأفعال له مجهود= عزيز من عزازٍ ومنهج أهل الطيب ضاريبه
من ربوعٍ ينومس فعلهم لا جا البرا مردود= نواهس ثم في شهران تاردبه مغاريبه
وإبن ذيب الكنادي طايل ٍ بالطايلات يزود=سنافي ثم عصامي ً وفي العليا مطاليبه
وجزى الله خير من نادى الجميع وقام والمقصود = تعرف والبشر لولا التعرف خشب مرميبه
وهي عادات عبدالله يرد المنسي المفقود= يذكرنا سلوم الطيبين وذاك من طيبه
وعفواً والسموحه شاب قافي يارجال الجود= قوافي الشعر بذتني ولاردت مناديبه[/poem]