مقعد الغامدي وبلجيك رفيده

اخوان وكبار وأضفتم لهذا الصرح عنوان جميل في التسامح والشهامه والمحبه

كم هو جميل ان يأتي من يعترف بالخطأ وهذا يدل على انه حكيم وعارف ومتعلم وكبير في موقفه
والأجمل من يعفو ويسامح وقد ثبت انه صاحب حق فهو شهم ويستاهل الخير كله

يذكرني موقفكما بمواقف كثيره حين يجتمع الخصوم في مجلس او تحت كبري واقول الله اكبر لو يندر الشيطان من ذالباب ولا يذلف من تحت الكبري اللي اجتمع تحته مئات الرجال اقول لو يذلف الشيطان دقيقه ويعترف اللي عليه الحق ويسامح اللي له الحق وينفك النشب وحصل كثير لكن الاكثر ان الشيطان ومعاونيه يشعللونها دائما والنهايه صاحب الحق خسران والمخطي خسران ولا اجمل ولا افضل من التسامح على الاطلاق

موقف مقعد وبلجيك نشكره فنذكره لهم ودعوه لكل من يحمل في قلبه على اخيه المسلم او ابن عمه او قريبه او نسيبه دعوه للتسامح والتصافح وطرد الشيطان

الم يحصل ان احد من اقاربك تزاعل معك وفي يوم من الايام وقلبك عيله حانق فجأه دخل عليك وسلم وضحك وقال لك ترا الشيطان ملعون بالله كيف موقف وكيف شعورك ؟؟

مقعد الغامدي انت بين اخوانك وربعك ويشرفنا تواجدك وعلى الراس من فوق ياغالي

تحياتي