هذه القصيدة في جاري الاخ الوافي / صالح بن محمد ال جحيان السبيعي


حيث انه تنوم بالمستشفى وخرج بالسلامه وانا لا اعلم بذلك الا من اخيه ماضي السبيعي


علما ان من المفروض ان اكون اول من يزوره لحيث ان جمائله علي اكثر من جمايل الاخ لا اخيه

[poem=font="Simplified Arabic,5,darkblue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
خارج من الشر ياللي لك بالامجاد صيت= يازعيم المجد يالله عسى عمرك طويل
نحمدالله يوم عافاك ربي ثم شفيت=جل شانه واعتلى مالك الملك الجليل
العذر يابو محمد تراني مادريت=جمل الله حال ماضي وعادته الجميل
يوم علمني تفاجيت بالعلم ودعيت= ثم طلبت الله يعافيك يالشهم الاصيل
لاتحسبني تماديت بالوضع ونسيت=والله ان دمعة عيوني على خدي تسيل
هاجت احزان الضمائر وبين ما خفيت= والخبر هز المشاعر وانا وزني ثقيل
ياعسى ما افقدك ياللي بالامجاد اعتليت=ماخذ في قمة المجد منزال وحيل
جاري اللي جيرته فوق كل اللي هقيت= من سبيع اهل الشهامة منجيت الدخيل
عرفي لصالح ولاخوانه افضل ما امتنيت= معرفة عز ووفاء يذكره جيل لجيل
ياقصيدي ذاخرك للمواقف بيت بيت= مستحيل اعفيك وقت المواقف مستحيل[/poem]
محمد بن حمد بن هتفر الحبابي