[poem=font="Simplified Arabic,5,black,bold,normal" bkcolor="transparent" bkimage="backgrounds/15.gif" border="ridge,thick,gray" type=4 line=0 align=center use=ex num="0,black"]
ياناشدً عن حالتي واخباري= اعلوم مايفرح عدوي فيها
الفيت لابايع ولاني شاري=من ديرةً النو ماياتيها
فيها كباري والخطوط اجباري=ولقيت تحويلات مادنيها
ماغير صبرني عليها الباري=يفوق حامضها على حاليها
ياحسرتي ياخطوتي واْشباري=غلطان باْولها وفي تاليها
يا لعنبوا حضي وابو افكاري=الي هبتني في لهب صاليها
الهم في صدري وطق زراري=والوقت ضيق والحبال ارخيها
وهقت نفسي لين بحت اسراري=واعطيت ناسً ماحدً يعطيها
من طيبتي كنت افتخر واماري=وامدح هزالً ماحدً يبغيها
واغض طرفي واستحي واداري=واْكبر الهقوات واْعليها
واثر الردى مايكشفه مجهاري=واحقاد في قلب الردي مخفيها
لاكن على الله وجهتي واسفاري=وان قاله الله والله ان انهيها
الخيل دورتها على مضماري=والكايده ربي عليه اشكيها
اما الغلاوالحب هذا كاري =هذاي سلومي بالغلا شاريها
ماهمني ياكون حب جاري=داخل شرايين الجسد مفنيها
وافراق بستاني وريح ازهاري=كيف اتحمل لو حصل طاريها
كيف اتناسى واين احط اقداري= الي رمتني في كفوف ايديها
كيف ااتناسى من عرف مقداري=وشلون ابخفي صفحته واطويها
الي يقدر جيتي واعذاري=عليه نفسي مقدر اقسيها
وبحور حبً تدفق بأنهاري=وشلون اجفف نبعها والغيها
ان كانها بعزومي واْصراري=لاني بناكرها ولا ناسيها
وأن كان جى للحزن وقت وطاري=ما تشره الدمعه على باكيها . . ؟؟؟[/poem]