الــــــــــــزين مـــــاهو من شـــــــــروط الـــــرجوله ؟؟ قصيده جميله؟؟
هذه قصيده أعجبت بها حقيقة وحبيت أنقلها لكم ولاكنني والله ماأعرف من هو قائلها وأرجوا العذر والسموحه
[poem=font="Simplified Arabic,5,blue,bold,normal" bkcolor="transparent" bkimage="backgrounds/21.gif" border="none,medium,gray" type=4 line=0 align=center use=ex num="0,black"]
قالت ترى منت بحلو قلت رجـال
والزين ماهو من شروط الرجولـه
الزين يلقى عنـد لباسـة الشـال
والرجل زين ان كان زانت فعولـه
قالت علامك تلبس شماغ وعقـال
انت بدوي؟قلت بدوي ومن حمولـه
ما ألبس بناطيل لها الوان واشكال
وامتر الشـارع بعرضـه وطولـه
قالت اجل راعـي معاميـل ودلال
شرب القهاوي تحسبونـه بطولـه
كيفي يابنت الحضر دله وفنجـال
وحليب خلفـه بالمـراح معقولـه
وحب الكرم والجود وعلوم الابطال
مغروس فينا من زمـان الطفولـه
قالت ترى بنت البدو حظها مـال
قلت احذري حذرا تكونـي جهولـه
بنت البدو يابنت مضرب للامثـال
فوق الجمال وطاعـة الله خجولـه
ماحطت اصباغ ولا حطت ظـلال
ولا سيرت بالسوق سيـر مهبولـه
هي مهرةٍ تصعب على كل خيـال
وانتي ومثلك عسفهـن بالسهولـه
قالت تغزل بي وشف حبة الخـال
ناظر عيوني والرمـوش الكسولـه
قلت العفو مايجتمع حـب وهبـال
ولكـل ذوق فالمزايـيـن جـولـه
قلتي وقلت وكلمة الصدق تنقـال
الزين ماهو من شـروط الرجولـه
[/poem]
تقبلوا تحيات أخوكم
أبو صقر الزهيري