[poem=font="Simplified Arabic,5,black,bold,normal" bkcolor="transparent" bkimage="backgrounds/33.gif" border="none,4,gray" type=1 line=0 align=center use=ex num="0,black"]
سود الله وجه الايام سوت بي كذا = احذفتبي حذفة الزوبعية قشها
شلّت الورقا على الغصن في فمها الغذا=وقشعت بعيالها والحقتها عشها
هكذا الايام يالله عساها للوذا = من سحابتها الوذية لحقني رشها
ازرعت فالراس شيب وملت عيني قذا= ولو توفّي الكيل ماحدٍ بسالم غشها
مدّت ايمين الخيانة على هذا وذا=وتدخل بيوت السعادة عمد ودّشها
فكم وحيد ذاق من مرّها عقب العذا= وكم وحيدٍ من عززها طمر في هشّها
وكم وحيدٍ طيبتْه البلا عقب الشذا= وكل ما لفّ الصحن ماصفاله دشها
وكم وحيدٍ مشّته حافي عقب الحذا= في طريقٍ مشوكه والرجول تحشّها
وكم وحيدٍ لاملت طاسته قام وهذا=وان نشدتّه قال ياخوك تكفى مشها
وكم وحيدٍ فلستبه بعد منها خذا= توّ عينه تاخذ اللي جمع وطّشها
كل هذا موجزٍ من قضاياها لذا= يامولّع في هواها بسرعة نشّها
وسوّد الله وجه الايام سوتبي كذا= غير بصبر وامسح دميعتي وآخشها

الشاعر/سعد بن شفلوت[/poem]

__________________