قمة عذاب القلب

[poem=font="Simplified Arabic,6,black,bold,normal" bkcolor="transparent" bkimage="backgrounds/14.gif" border="solid,medium,royalblue" type=1 line=0 align=center use=ex num="0,black"]
قال الوداع وقلت تكفى على وين = والدمع من عيني يزيد انسكابه
قال القدر يحكم وحنا مطيعين = حكم كتبه الله ومثلك رضى به
الله يعين القلب ويصبر العين = على فراق (ن) ما حسبنا حسابه
أودعه والكبد فيها طواحين = أنت الحبيب اللي كليف(ن) غيابه
ما أقوى فراقك يا أعز القريبين = شوف الغرام شلون يبني قرابه
كل البشر ربي خلقها من الطين = لكن فرقها ما تلاقي تشابه
قمة عذاب القلب فرقى العزيزين = أسأل إله الكون يجبر مصابه
لاجيت مثل الغيث والغيث يحيين = وأنا أرتوي محلاه ريق السحابه
أنت الربيع اللي تبيه البساتين = كل الزهر فتـّح على حرف بابه
مع طلتك هبت ورود ورياحين = لا حسها قلبي تجدد شبابه
في طلتك إلهام شعري دواوين = وفي غيبتك تقسى حروف الكتابه
فالله يعين القلب ويصبر العين = على فراق (ن) ما حسبنا حسابه[/poem]