[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
خذيت شفي وانتهيت وجزت من درب الهــــوى =درب الهوى من ياخذه دايم يضيق ويشتـــحن

القلب جاه اللي كفاه من التجارب وانكــــــوى =حتى اللسان من التجارب كل يوم وله لـــــحن

صار الغلا والحب للي بالميه يشحن ســـــــــوا =ياعزتي للي يحب ولا معه قيمة شــــــــــحن

من يوم صارت مصلحه قلبي على الفرقى نوى =قفن ركاب الحب من قلب المعنى وادبــــــحن

الدرب مالي فيه لاجا فيه لفـــه والتـــــــــــوى =آكل لحم جلدي ولا آخاشر عدوي في صــحن

جبرت قلبي بالمفارق واحسب انه ماقـــــــوى =واثره يعاف اللي يعافه ويتصدى للمـــــــحن

ياللي تبي.........على ماتشتهي مالك لــــــوا =خسرت انا في الشوط الأول والغنادير ربحن

واليوم صارت روحت الصاحب وجياته ســــــوا =رجعت ارسب راسبات قبل عامين نجــــــحن

والرجل يعرف مدخله ولكل داء يلقـــــى دوى =واللي تمسن بالهقاوي بالهقاوي مااصبــحن

اوقف لحسادي مواقف عز والعقل ارتــــــوى =واطحن حبوب اللي براسه حب باقي ما طحن[/poem]

__________________