البريد يتحدث..!!
ياشاري كمبيوتر لك السوم تسعير
مع طابعة ليزر تحـرك حـراري
مضمون توه ماحصل فيـه تغييـر
مزود الرامات حسـب اختيـاري
السوق اغلق جلسته بلون تحميـر
وشكل المؤشر صيب بالانهيـاري
طاح المكيرش والجماعي وتعميـر
حتى البنوك ارقامهـا بانحـداري
وسابك عمود البيت راحت مخاسير
ومن يكتب امر البيع ماجاه شاري
ياعل"مزنا"مدهـمـات مزابـيـر
يرمن مطرهن في بسيطا بنهـاري
تزهر مشاريع المواشـي نواويـر
ويخضر سهمها والطلب بازدهاري
وانا لي الله عن كثير المخاسير
يغنيني اللي في خفا الناس داري
احسن لي اشيك على زيت وسبير
واجهز العزبـة واحـدد مسـاري
وانصا بـلاد سميـت بالمظاهيـر
ويم ابو نجوى ويم ذيك المحـاري
ودي الى جاز المطب حزة اعصير
حولت انا العزبة وشبيـت نـاري
واركبت انا القمقوم فوق المساعير
وقربت انا الدلة اقايـس بهـاري
هذا ربيع القلـب لاصـار تكديـر
وعلاج لا كثرت عليـه طـواري
الدنيا حمرا
سكر جهازك
ودور البل
والبر
والوناسة
بلا اسهم بلا بطيخ