الاخ ابو حماد الزهيري

السلام عليكم ورحمه الله وبركاته

الابيات اللتي تساءلت عنها

هي للشاعر سعد بن محمد ال سالم الفهري

المعروف بــ ابوعبيد

وسوف اعطيك طلبك على دفعات

ومناسبة القصيده ان عبيد في ليلة العيد رغب في ملابس جديده

وسيكل مثل سيكل ولد حماد الا ان والده لم يجد في حينه ما يجود به الرب على

عباده وهو ارحم الراحمين فما كان منه الا ان قال هذه الابيات معتذرا من عبيد وموعده خيرا قادم

واليك القصيده
[poem=font="Simplified Arabic,5,blue,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]

يا عبيد لا تبيكي ترا الأمر من فوق = واللي من الله مامعي فيه حيله

أصبر ولو ثوبك من الكتف مشقوق = وش عاد لو ما تحت ثوبك فنيله

الخالق الله و أنت ياعبيد وخلوق = وارزق عند اللي ينشي المخيله

متمسكٍ بك وأنت يا عبيد موثوق = يوم أنت تالي عزوتي بالقبيله

ياعبيد خلك لي وأنا أبوك صندوق = ولا ثقل حمل الوقت عني تشيله

وأبعد عني اللي يتهم الجار با البوق = وخلك بعيدين عن دروب الرذيله

ولمثال قالت كل مطرود ملحوق = والكون واسع واليالي طويله

ومن يعمل المعروف يلقاه مطبوق= ومن يزرع العنبر يفوز بحصيله

لا بد ما تنور لياليك بشروق = ماهي عليك ولا علي مستحيله

ولا من فرجها الله نبي ننزل السوق = ونشري من الغالي ثياب جميله

ونشري لك السيكل مثل حق مرزوق= وياتيك مرزوق الحمد ما تجيله

مش الدموع اللى تحدر على الموق = الرجل لا من سال دمعه يزيله

واليوم لا تبكي ترا الامر من فوق = واللى من الله ما معي فيه حيله[/poem]
والقصيده الثانيه والثالثه في الرد القادم ان شاء الله


عاشق الوطن

تحياتي