[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]

لاخطيت بجهل عادي لا تعمد بالخطيه=وأنت قاصد جرحك اللي صرت مااطيق احتماله
سمها مني جهاله سمها مني حميه=دون مارد اعتباري عنصريه أوجهاله
مايهم اللي اعرفه حل جازم للقضيه=لواضحي بالمشاعر كل ابوها للبطاله
الا حاسيس الغرام الحب والذكرى الهنيه=في مصانع ظلم حبك ماتبي تصبح عماله
جمهرة في سيد واحد غاظها امر الوشيه=مستعده لك وجابت لك خطاب الاستقاله
لوعرف حضرت جنابك ناوية لك شر نيه=معلنيين بصوت صادح باالفضا تحيا العطاله
دام مخطي دام مخطي خفف الضربه شويه=من سوى انك قاصدنها زدت ناقصها كماله
ضربتين بوقت واحد بالحشا والله قويه=كيف وانت تسوق ضربك ملغي مبدا المهاله
الحمول الكايده لزوم تبرك لك مطيه=وانت من كثرة حمولك صاحبك ناخت جماله
في الغرام اما بغيره فبدري لعينيك ذيه=مايهزه مثل شكلك الف طابور استواله
شامخ وثابت وراسي ماتعود على الحنيه=غير لله في صلاته مكسبه هي راس ماله
وانت ماانت بند ليه قوم وابرز لي الهويه=التحدي له مكانه والمقارن له مجاله
النبايح ياحبيب ما تقارن بالعويه=واسفل الوادي تاكد ماتزعم في جباله
صاحبك ماتجهل انه من وجيه يعربيه=وانت تعرف طيب اصله لا مدح عمه وخاله
لازهم اقصى الرفاقه وان تعزوى في سميه=انتفض منهو زهم له رامي تحته عقاله
يعني انه لوبغاها با لشجاعه والحميه=ردها من فوق خشمك في برود وفي سهاله[/poem]

__________________