عرووض مغرية للبيع
 

يوجد بعض الأغراض الشخصية المستعملة للبيع وتشمل

كبكات

أقلام

سراويل بحالة جيدة

كما يوجد غترة عطار

شماغ بسام

شراريب منوعة

مسواكين

نظارة قراءة بقزازة واحدة

طاقية منخلة

حبة ونص فياجرا

كفر استبنة

أربعة قدور

دلة

مرهم عيون

حبوب وكريم بواسير



التوقيع: أخوكم مستثمر سابق في الأسهم

هههههههههههههههه
هههههههههههههههه


الله يأخذ عدوك والله أني ضحكت على الدله والأربع قدور ضحك لي تخيلت


آل معمر قدامي وهو باسط بالسراويل المستعمله والطاقية المنخله ههههههه ( ياحبي لك يآل معمر)


أقول وادي الغلا

عزالله أنه موضوع رهيييييييييييييييب ومشاركة تستحق عليها وسام الملك عبدالعزيز من الدرجة الأولى من الأوسمة ذيك اللي يعطون عليها كل سنه 360 ألف ريال


أمششششششششششششششششش يالعرررررررررررررررررررروض


شكله شاري في ( فيبكو ) ( الجوف ) ( المواشي ) عرفت من أقصد ؟؟؟؟

باقي المنشفة البيج حقتي يا وادي الغلا ليش ما ذكرتها ؟

بصراحة لا تلومون اللي خسرانين في الأسهم لو باعوا كل شي لأن الأسهم كلت الاول والتالي

لكن كل شي على ربك والله يعوضنا من عنده

وبالنسبة للعرب اللي قاعدين يتشمتون فأقول لهم :

ما عليه الأيام دواره <<< ماهي بعرضه ولكن قصدي أن الأيام تدور والله يجيب اليوم اللي اتسدح فيه

من الضحك وهم يبكون :(

والله لو يجيهم نص ماجانا ما تلقاهم يتضحاكون ويتشمتون

بعض العرب لو يخسر ربع ريال تلقاه يبيع بليله على طريق القاعده

لكن ما عليه الأيام بيينا يا شامتين

أشكرك انت لحالك فقط يا حدباء قذله :)

حدباء قلة + ال معمر
ياجماعة ترى لقيت العرض وحطيتة
ما أدري إنها لك يال معمر ولا كان ماجبتها
هههههههههههههههههههههههههه
بس اعجبتني الشكر لك لوحدك ياحدباء قذلة
بس تصدق ال معمر أحس حدباء قذلة بيتشقق
من الفرح وما أدري أنا لو مكانك
والله ما أبيعة من هالاغراض شيء
والله مداخلاتك لحالها موضوع وبصراحة
وجودك بهالمجلس خلاة أحلا وأحلا...لاعدمتكم

ههههههههههههههههههههههه


الله ياخذ بليسك ...


احسن شيء انه يبيع عمره احسن


تحياتي

ولد ال معمر:
هلا وغلا فيك
هذه الأسهم وماتسوي
على ماقالوا سوق الحسايف
ليتني وليتني وليتني
أشكر لك مرورك وتعقيبك ولد ال معمر