سؤال لاصحاب الشعر
 

هذه ابداعيه جديده للشاعر الشاب //محمد ال عاطف القحطاني
لله دره اترككم بين نفحاتها ============
هذي قصيدة مكتوبه عن الفياغرا السيارة لاحد يفهم الكلمه معنا ثاني المهم ومكتوب فيها العماج وش اسم الرجال اللي من العماج وسلامتك وارجو ان تعجبكم هذي القصيده
.
.

يا راكب الـي مايسـرج ويخطـم***صنعة نصارى والدريول خطامـه


الماني المصـدر وطـور وصمـم***وعليه من برلين رمـز وعلامـه


باحـدث اساليـب التقـدم مفخـم**انشهدانـه قمـة فـي الفخـامـه


ستة حروف اسمه معـرب معجـم***فياقرى والفيـن واثنيـن عامـه


ميراث هتلر وخـذ باسـه وقسـم***من جمجمة راسه وقاسي عضامه


اقسى من الفولاذوالصخره الصـم***عزم وجزم مافيه مثلـه ضخامـه


والين من الديبـاج وارق وانعـم***عزاللة انـه راحتـن وانسجامـه


ياما حلااوصفه على الوجه الاطخم***نعم الوصيف وزين ذيك الطخامـه


وصفه على الي شوفها يجلي الهم***غروا يتل الروح جسـم وسامـه


من نجد منشاهـا مـن الاب والام***وفي عينها من عين زرقا اليمامه


في ليـل زفتهـا خجـول تبسـم***ومردودهـا لسائليـن ابتسـامـه


ماغيـر بالحـان الغانـي ترنـم***متبختره بالزيـن هامـه وقامـه


تمشي دلع منهـا السـان يتلعثـم***ولو شافها عود حـذف بالعمامـه


وقـام يتوجـد ويتهشـم تهشـم***وينعي شبابه بالقهر يوم ضامـه


وطرت عليه ايـام عـزه وتمتـم***لوجيت في جنبه ماتفهـم كلامـه


ولو شافها صنديـد قـوم تحطـم***ضاعت روابع صطوتة والقرامـه


وعود مثـل طفـل غريـر متيـم***حرم الحنان وبكرو فـي فطامـه


شبهت بالمرسدس معسولة الفـم***من كثر حبي له غرقـت بغرامـه


وماكنـه الاشيـخ قـوم محشـم***من هيبته يفرض عليك احترامـه


وفي فزتة وثبـة الاسـد لاتقـدم***يبي العشاء من هبر ضبي العدامه


ولااستوى في الخط يرسي ويجثم***مرسى جبـال طويـق ولاتهامـه


يالي خذيت اسوشته اسلم وسلـم***من حين تمشي رافقتـك السلامـه


وقف على بـاب العزيـز المكـرم***وادخل على العماج رجل الشهامه


ولاقلك ارحب قول تبقـى وتسلـم***عنده لعكفـان الشـوارب كرامـه


وسلم له الضرف الجديد المختـم***ولايلحقك من بعد هـاذي ملامـه


مايمدح الا طيـب الخـال والعـم/**وطيب الرجل من خاله ومن عمامه


و شرواك يالعمـاج مايلحقـه ذم***ومثلك يبوفيصـل رفيـع مقامـه


لك في سنام المجد تسعيـن سلـم***ولاكل رجال طلـع فـي سنامـه


ازهمك يالطحطوح من شان تهتـم***وتنضر لوضعي زاد عزك ودامـه


من غيرك من الناس بنخى وبزهم***تبقى الزعامه في رجال الزعامـه


الي لهم في ماضي الهجر مرسـم***شيوخ اقحطان متيهين الجهامـه


من نسل عثفر منشف الريق والدم***الي خذا من نجـد غايـة مرامـه


مقـدام ربعـة لاقــدم ماتـنـدم***ويرث على كبد المعـادي ندامـه


وسيف العدا من ضرب سيفه تثلم***خالـف نصابـة سلتـة ياعدامـه


ودكاتة تهـز الحصـون وتهـدم***تصبح احصون القوم بعده هدامـه


هذي فعول اسلافنـا تجلـي الهـ**اهل الشجاعه والكـرم والشهامـه


وصلاة ربي عد ماطـاف محـرم **على شفيع الخلق يـوم القيامـه

http://www.qahtaan.com/vb/showthread.php?t=627

هذا رابط القصيده لـ " طوفان الشعر" محمد العاطفي

في قسم الشعر النبطي

ان شاء الله يفيدك

بسم الله الرحمن الرحيم

ارحب اخوي القويفل

والله لايهينك على المساعده