قصيدة ((النملة الفارسية)) الشهيرة ترثي أخاها
 

بسم الله الرحمن الرحيم


في عام 1193 هجري اغارت قبيله الشلاوى
علي الشريف سرور بن مساعد حاكم مكه في ذلك الوقت
والذي كان يقوم بغزو نجد حيث تمكن الشلاوى
من نهب حلته وجيشه ورجع يجر اذيال الهزيمه الي مكه
وقام الشريف سرور بجمع جيشه لكي يغزو الشلاوى
رداً علي هزيمته السابقه ،وفي شوال من تلك السنه
حصلت معركه بين الشريف سرور والشلاوى
قتل علي اثرها الفارس شاهر بن سعد بن عجيان الشلوي
فقالت اخته الشاعره شاهه بنت سعد الملقبة بالنملة الفارسية هذه الابيات ترثيه أخاة :
[poem=font="Simplified Arabic,4,black,normal,normal" bkcolor="transparent" bkimage="backgrounds/18.gif" border="none,4,gray" type=0 line=0 align=center use=ex num="0,black"]


اليوم ناظـر حالتـي يـا خشيبـان==غدالـي الهـرش المكـدد رعـيـه
يامال ابوي الي له النـاس رعيـان==دبـت عليـه النملـه الفارسـيـه
غدو بنون العين حمـاي الاظعـان==واصبـر علـي مادبـر الله لـيـه
جانـا خيالاًفـى مثانـيـه ربــان==نـوه مـن القبلـه مزونـه رويـه
اوايلـه مثـل المخابيـط نـيـران==يوم استهلت مثـل ضـرب برديـه
وبرقه سيوف الهند بيديـن غلمـان==ودهم القنـا بيـن النشامـا هديـه
تركٍ تلبّس قايـد الحـرب تيجـان==يردون حوض الموت ورد الظميـه
نطحهم الفارس علي بنـت ربـدان==لين اختلف جمع العدى عـن نويـه
بسيفٍ يشيل الراس من فوق الامتان==يقطع ملازيم الخـوي عـن خويـه
الي طرح منهم عشى الذيب سرحان==مـن ابلـجٍ خلـي بهـاك الشغيـه
[/poem]

وسلامتكم.............

ارحب ثم ارحب يالشلوي

وصح الله لسانك ورحم الله قايل هالقصيده
وستين نعم فيكم من غير قصور بالباقين

لك كل التقدير من أخوك

فارس الشواطي

الشلووووووي اول شي ارحب فيك في منتداك وهذا المنتدى لقبيله قحطان وغير قحطان لان كلنا اخوان في الله فوالله اني استانست يوم شفت اسمك واعتبر ان هذا منتداك

وثاني شي اشكرك على هذه القصه

والله يرحم
الشاعره النمله الفارسيه


اخوووووك اللي يرحب بك مليارات ابن عاااااصم

سلمت والله على المشاركه الرائعه
 

بسم الله الرحمن الرحيم


ألاخ فـــــارس الشــــواطي

وألاخ ابن عــــاصم

وألاخ خـــــالد

مشكووووووووورين على الترحيب الحار وهذا من عوايدكم الطيبة ولاهي غريبة متعودين من قحطان التراحيب والعلوم الطيبة والجزلة . اخوكم الشـــــلوي