قصيدة في حبيب الامه ... للشاعر منصور بن حيان
 

قصيدة اعجبتني واحببت ان اجعلها بين طيات هذا المنتدى لتعم الفائده

صــــلـــــو عـــــلـــــى الـــنـــبــــي



[poem=font="Simplified Arabic,5,black,bold,normal" bkcolor="transparent" bkimage="backgrounds/16.gif" border="ridge,4,gray" type=1 line=0 align=center use=ex num="0,black"]
طويت صفحـات الليالـي الكئيبـة=وابديت كل اللـي يريّـح ضميـري

دنيـا بنـي آدم تراهـا عجيـبـة=محدٍ خذا منهـا يكـون اليسيـري

اضحك مع ليـام وجفـي النحيبـة=وترك صروف الغيب تبدي ستيري

واللي جـذل فيهـا وعجّـل دبيبـه=صرف الدهر يصحبك مثل الخفيري

واللي خطاه المـوت يـوم يصيبـة=مدري بشيـر بالغنـى او فقيـري

ما فاز بالجنة سـوى مـن ينيبـة=اللي صغير الذنـب عنـده كبيـري

محاسـبٍ نفسـه ويرقـب رقيبـه=مترقـبٍ يـومٍ يجيلـه عسـيـري

يـومٍ يخـلاً فيـه كــلٍ قريـبـه=ما يعرفه ياكـود رجـلٍ بصيـري

اللي غريـرٍ فيـه راسـه يشيبـه=واللي كبيرٍ فيـه يرجـع غريـري

ويبـدأ معـه ربٍ خلقنـا يجيـبـه=مدري كسيـبٍ جنتـه او خسيـري

من بعدها برسل حـروفٍ صليبـه=من هاجسٍ يهدر سـوات البعيـري

وانا مـن البهتـان نفسـي تعيبـه=اللي معه عينٍ وشوفـه ضريـري

يـا امـة المليـار قـوم ذريـبـة=ذبوا عن الهـادي وقـدره كبيـري

اهل الزنا وهـل الخنـا والضريبـة=استهزءوا بللـي بشيـر ونذيـري

هـذا نبـي الله وايضـاً حبيـبـه=شفيعنـا يـوم العبـس قمطريـري

ادى الامانـة يالعـقـول اللبيـبـة=وبيّن لنـا درب الهدايـة منيـري

يجـي لنـا كلـبٍ يحـادي كليبـه=نسل القـرود متبّعيـن الحميـري

يسـب يهـزأ والشتايـم سريبـة=والوضع ياهل الدين وضعٍ خطيري

اشـق ثوبـي وانتخـي والتويبـه=وازهم على القرم الحسام الشطيري

من اسمها دنمرك نـروج زريبـة=اكّالـة الخنزيـر عميـا عويـري

ما قدوتك ياعلـج غيـر الخريبـة=الحرمـة اللـي لبّسوهـا حريـري

ماقدوتـك ياعلـج غيـر اللعيبـة=اللي خذت في كـل ليلـة عشيـري

عين الجـرادة والوجيـة الشحيبـه=خاب الشوير وخابت المستشيـري

ماهمنـا الكافـر وقـولٍ يجيـبـه=عبّادة الشيطـان فـي كـل بيـري

ياكلـب ابعـد حـاذرك لا تعيـبـه=رسولنـا باقـي نسايـم عبيـري

هو حاضرٍ في قلوبنـا فـي مغيبـه=وغلى من الوالد ونفسـي وديـري

ياجعلهـا نــارٍ تـولـع لهيـبـه=في فم من سب الشفيـع البشيـري

وايماننـا مافيـه شـكٍ وريـبـه=والمسلم الصادق ترى لـه زئيـري

وذا ظمينـا منهـجـه نستقيـبـه=منهاج راعي الخير من فيه خيـري

ونحمـد الله والعـراوي قطيـبـه=ماهوب بديـن مقدميـن السكيـري

دام الليالـي والليالـي عصيـبـه=والشر فيهـا والبلـى مستطيـري

فبشر بنا لا جـات اقـوى مصيبـه=بذود عـن طـه وبكحـل نظيـري

دارٍ بهـا ثنتيـن مكـة وطيـبـه=هي نصرة الاسـلام دام النصيـري

اللي لكاس اهـل الشكالـه شريبـه=واللي لكسر اهل المصايب جبيـري

حكامنـا اهـل السيـوف العطيبـه=اللي اثلجوا صدري بسحب السفيري

وذا تعصّـا الـداء فحنـا طبيـبـه=نحذيه قبـره عنـد منكـر نكيـري

ويبقى لنـا عـزٍ ورفعـه وهيبـه=وعلجٍ تكبر غصب عنًـه صغيـري

يقـدم الاعــذار والله حسيـبـه=بالغصـب ولاّ بالرضـى مانعيـري

والله لـولا كـان مـا نرتضيـبـه=ونلهب تحتهم نار توقـد سعيـري

مادام سيف العـز يجفـي جريبـه=وروض الرساله وسط قلبي زهيري

نفـدي رسـول الله بغلـى حبيبـه=بالعيـن ولاّ دمنـا لـه نثـيـري

ودنيـا بنـي آدم تراهـا عجيبـة=محدٍ خذا منهـا يكـون اليسيـري[/poem]

كلمـات الشاعـر منصـور بـن علـي بــن حـيـان القحطـانـي

صح لسااااااااااااااااااااااااان الشاعر


وسلم بناااااااااااااااااااااااااااانه

وكثر الله خيره

ابيض وجه

وسلمت يمناك على نقل القصيدة

لاهنت لاهنت لاهنت

مشكور على النقل والله يعطيك العافية

بسم الله الرحمن الرحيم
أخي الحبيب فرابق الرفيدي
بيض الله وجهك على نقلك هذه القصيدة.
وصح لسان الشاعر منصور بن حيان .
واسأل الله سبحانه وتعالى أن يجعلك أنت والشاعر منصور جار الحبيب محمد صلى الله عليه وسلم ...آمين .

قال حسان رضي الله عنه :

هجوتَ محمدا فأجبتُ عنه *** وعند الله في ذاك الجزاء
أتهجوه ولست له بكفءٍ *** فشركما لخيركما الفداء
هجوت مباركا برّا حنيفا *** رسول الله شيمته الوفاء
فإن أبي ووالدتي وعرضي *** لعرض محمد منكم وقاء


أخوكم أبومصعب
لك شكري وتقديري

الاخ فرايق بارك الله فيك وصح السان الشاعر منصور بن حيان

واسال الله ان يجمعنا واياكم على حوض النبي

صلى الله وسلم على نبينا والة وصحبة ومن تبعه باحسان الى يوم الدين
وبيض الله وجهك على الاختيار والنقل
وصح اللة لسان الشاعر واكثر من امثالة

اشكرم جميعا


ولكم تقديري على المرور