شبكة قحطان - مجالس قحطان - منتديات قحطان - ياهجر حدتنا عليك المقادير؟؟؟؟؟؟؟؟؟؟؟

[frame="1 80"]اسف على طول الغياب وارجو ان تشفع لي هذه المصافحه عندكم

__________________________________________________ _

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
جات الهجوس اضيوف ما لي معاذير=وأنا معزبها واشّرع لها أبواب
للناس تصويرٍ وللبال تصوير=يا عبيد بن درهوم سجّل لنا كتاب
مثلك عزيز وله معزه وتقدير=هات القلم والطرس فالبال هنداب
ترا قناة الشعر من دون تشفير=ما بينها واللي حضر ستر واحجاب
يا بن ملافخ كن فالصدر أعاصير=ومما وهج في خاطر الحارثي جاب
وعلى الورق سطر حروف وتعابير=سهران منها ليل والقاف ما شاب
تارد تفاكيرٍ وتصدر تفاكيرٍ=لين المعاني جات كالسيل منساب
لاعتني الدنيا وأنا توّي اصغير=ولا والله الوعاتها نحسب احساب
حتى نحقق ما على البال ويصير=اليا ارتكينا للصعايب والانشاب
واجدادنا قادو ضعون ومظاهير=والمجد عدو له على كل مرقاب
وإن كان ما فينا طموح وسعاطير=اليا ذكرنا فعل زاكين الانساب
يحرم علينا عشقنا للغنادير=ولبس البدال وسكبة الراس بالكاب
والرجل يحرم شوفة العز والخير=لا صار في ولية حساسيد وكلاب
والمجد يبغاله رجالٍ مناعير=واللي يعنّزها على الرب ما خاب
بقدامها تقطع طوال المشاوير=وتدعس على العقرب وتاطا على الداب
من طالت حباله ورد جمة البير=يا ملحق الطّيب مشاريه وعتاب
ترى الزناتِي صخّر الصعب تصخير=ويعرف عذابه رمح أبو زيد وذياب
ويا حيف يا بعض النفوس الخنازير=معدومة الغيرة والاحساس كذاب
أدري بها لو تضرب القاع وتطير=أو تندرق من خلف دروازة الباب
يا هجر فكري صلف مثل المعاصير=من قبل أحب وصار لي وسطك أحباب
يا هجر حدتنا عليك المقادير=جيناك غصب وكل شيٍ له أسباب
ولا مصبرني على مسكنك غير=قرمٍ ذراه امذري أصحاب وأجناب
قرم بذكره تستعد الطوابير=ويفدا شنب سلطان بن صالح أشناب
بوجود ابو فيصل تهون المعاسير=وإن غاب عنا غاب عن السعد غاب
ونخرم على شوفه طويل الأشابير=خرمة جنابٍ لشقّر البن شراب
واحلف بمن ينشي المزون المزابير=أن اللواء ينظر لك ابحب وعجاب
وحبي لك الحاله يا بوفيصل امثير=حب العواجيه لسعدون.... وعقاب
والحلم واضح ما يبي الحلم تفسير=ومن لا فهم حطه على الضرس والناب

.................................................. .........[/poem]شعر/ثواب بن زيد بن نجا الحارثي[/frame]

ملصقات الأسماء

ستيكر شيت ورقي

طباعة ستيكرات - ستيكر

ستيكر دائري

ستيكر قص على الحدود