قصيده مفخره لشاعر الفارس مبارك بن شرثان الحبابي+قصه
 

قامت الحكومة السعودية في عقود تأسيسها الأولى بسجن بعض رجال الحباب بسبب مشكلة حصلت لهم .
وغضب الحباب من دخولهم السجن و زاد غضبهم أنهم يريدون فك أقربائهم من السجن ولو بالتضحية لذلك , ولكن القانون ونظام الأمن ليس خصماً معادياً ليغيروا عليه بالحروب ويكفونه عن ربعهم كما تعوّدو في غزواتهم قبل استتباب الأمن لهذا البلد , بل هو قوّة لإقامة العدالة و فرض الأمن والإصلاح , فانتظرو حتى خرج السجناء معززين مكرمين بأمر ولاة الأمر رعاهم الله .
وقال الشاعر في هذا الموقف :


[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يا عين يللي تعاف النـوم ومصـدّه=و تصدّ حتى من اللي تحت الاقدامـي
من همّ ربعٍ عليهـم طالـت المـدّه=من دونهم عسكر البيبـان بالزامـي
وحنّا ربوع الرفيق وضدّ مـن ضـدّه=لكن صبرنا وطعنا حكـم الاسلامـي
و من اوّلٍ نلطم العايـل علـى خـدّه=نجعل على كبد راعي الغلّ ميسامـي
يبطي عليـلٍ غليـلٍ ضاربـه غـدّه=وان ثار قبس الحرايب فادع عزّامـي
و نورّد الما ليـا قـد سعنهـا قـدّه=ما حن نتيّـه مساريهـا بالاظلامـي
ناخذ عليهـا معاذيـب الخـلا مـدّه=و حرّابنـا لـه بمضوانـا تحلاّمـي
ربعي حبابٍ ليـا كلّـن نسـب جـدّه=قومٍ تكدّر علـى الحـرّاب الايامـي
يوم الجهل واختلاف السبـر والـردّه=والدرب مسموح بين الشرق والشامي
يوم التذاكر خـروجٍ حشوهـا عـدّه=نمشي و طوق الكلاب لهـا تهرّامـي
واليوم صرنا نمسّ الحبـل و نهـدّه=من يوم قامت تحدّث روس الاقلامـي
أمر الحكومه يكف الموس من حـدّه=حكّام مثـل الأسـود لهـا تقظّامـي
حكام تلقي الأوامـر وامـرك تلـدّه=حكّام نجـدٍ تحـدّى كـل ضرغامـي [/poem]


الشاعر مبارك بن شرثان الحبابي



منقوووووول

اخوي محمد الاحبابي

السلام عليكم ورحمة الله وبركاته



وكل عام وانتم بخير ومن العايدين والله يعطيك العافيه على الموضوع ونعم في الحباب

والله يرحم الشاعر بن شرثان

شكرا ياعلي على المرور


وما عليك زووود والله يعيده عليكم وعلى جميع الامه الاسلاميه انشاء الله

السلام عليكم ورحمة الله وبركاته


والله ونعم في الحباب

والحمدلله على استتاب الأمن في دولتنا الغاليه
والله يديم عزها بحكامها واهلها

وبيض الله وجهك على الموضوع
ومن العايدين
بعد الزحمه واكل اللحمه :)


.

صح لساااااااااااااااان الشاعر


وسلمت يمناك على النقل



ولاهنت يالغالي

هلا والله
 

الله لايهينك يافارس قحطان على المرور

والله يعيده عليكم يصحه وسلامه .....واما اللحمه مأكوله


والله لايهين الاخ فتى الجوه على الرد والمرور

وما عليكم زووود جميعا

رد : قصيده مفخره لشاعر الفارس مبارك بن شرثان الحبابي+قصه
 

رحم الله الشّاعر مبارك بن شرثان ال ناصر

ولاهنت يا محمّد

رد : قصيده مفخره لشاعر الفارس مبارك بن شرثان الحبابي+قصه
 

رحم الله الشاعر ابن شرثان

ومشكور على النقل