تكفون ياشباب الموضوع مهم
 

احب اناشد جميع الاعضاء والمشرفين انهم يجيبون القصص اللي لم تذكر في كتاب او مرجع ويجيبونها من شيبانهم لان المراجع على سبيل المثال ابن بليهد من وين جاب القصص اللي عنده مليون في الميه انها من كبار سن,
في مجالس قحطان اكثر المواضيع متكرره على سبيل المثال الشيخ ابن هادي كتبت عنه الكتب والمواقع وافعاله اللي ماهيب عندنا في الموقع بنجدها في مواقع اخرى او كتب لكن الفرسان الذين لم يكتب عنهم في كتب او في مواقع وين يروحون ,ادراج الرياح,
تكفون ياشباب والله بعد خمس سنوات او عشر سنوات القصص بتروح مع كبار السن والموضوع اصبح سهل عن طريق الموقع تقدر تكتب اللي عنك بسهوله
وبعدين ليش مانخلي مجالس قحطان تكون مرجع لقصص وفروسيات قحطان بدل مانقعد نكرر الموجود عندنا وفي الكتب والله فيه شخصيات حرام تروح بدون ماناخذ منها القصص ياشباب تكفون كل واحد اليوم يستلم شيبانه ويطلع ماعندهم من علوم وصدقوني مع الوقت مجالس قحطان بتكون المرجع الاساسي لمن اراد ان يكتب عن (قحطان).

لاهنت يابو اسامة على الفكره..

ولكن يجب على كل واحد إنه يتحرى الدقه والتفاصيل والمصداقيه أيضاً حتى يؤخذ الموضوع بعين الإعتبار..

ومن وجهة نظري ( قصص نجيبها إحنا أحسن من شخص من خارج قحطان يجيبها)

بارك الله فيك اخي ابو اسامه الروقي

على هاذي الفكره الهامه واضم صوتي الى صوتك والشيبان كنز معلومات قيم والواحد منا يسأل شايبه
عن علوم قحطان كافه 00

الله يعطيك العافيه اخوي ابو اسامه

الفكره رائعه واضم صوتي لصوت الاخوان

وياليت تكمل جميلك وتبنى الفكره


وتقبل تحياتي

مشكووووووووووووور


اخوي الغالي ابو اسامة

وفقك الله


وعلى ايدك الخير

=========================================

أبو اسامة فعلاً إقتراح أكثر من رائع

وإن شاء الله تكون البداية من هنا



يرفع للإطلاع

الف شكر لكم يااخوان والله لايهينكم جميعا وبالنسبه لتبني الفكره اتوقع انه واجب على الجميع انهم يتبنون الفكره وبالاخص المشرفين ولكي تكتب القصص اللي غير موثقه .يجب تحري الدقه وكتابة القصه بشكل جميل خارج عن نطاق المبالغه واحب اكطلب من المشرفين فتح موضوع للقصص الجديده عشان مايكون في زحمه في المواضيع في المجالس .
ولكم جزيل الشكر
اخوكم ابو اسامه

جعلك تسلم والاقتراح يالذيب

وافي يا ابو اسامه الروقي
وبلفعل رايك سديد لان الشباب ماجابوا إلى الحين شي جديد
بل ونامل من إدارة الموقع أن تهتم بلموضوع وتشجع كل من لديه شي جديد يفيد المتواجدين في الموقع والزوار....




وتقبل تحيات أخوك/
أبن الوحش

السلام عليكم ورحمة الله وبركاته اثنى على كلام اخى ابو اسامة حفظة اللة واشد على يدة --- فعلا اخوانى ابنا قحطان الموضوع جداا مهم علينا واجب وهو نقل جميع المعلومات الى تخص قبيلة قحطان العريقة من كبار السن فاليوم هم معنا وغدا العلم عند اللة --- يعنى لو كل واحد منا قظب شيبتة وخذا منة سالفة والا سالفتين وارسلها بدورة الى شبكة قحطان انا متاكد بانة خلال ست شهور سيكون لدينا قاموس ومرجع للقبيلة---- ولعايلنا من بعدنا وتفظلو بقبول فائق الود والاحترام -----