النفس تامر للــردى والخـــــزايــا
 

السلام عليكم ورحمه الله وبركاته
اخواني اعضاء المنتدى اطرح هذه القصيدة وهي نصيحة وتحكي عن نفسها وعساها تلاقي القبول في موقع شبكة قحطان والى الابيات :


صـف الـنـوايـا يـاخـبــيث النوايــــا
كانــك تبي الــدنـيا تـجــي لك هــنيه

ومن قــبل ذا طــاعــه ولي الـبرايــا
في طاعــته مـامــون مــابه اذيـــه

الله يحــب اللي تحــفـظ الــوصايـا
اللي بشـــرع الله وســـنه نــبــيه

في طاعــته مــابه هــموم وعـــنايـا
تعــيش في راحــه ونفس رضــــيه

من ويـــن ماوجــه لسانــه طرايــا
يحرص على الاذكار صبح وعشيه

صار الــتعــب لــذه وزين السجايـا
قلبه وفكره مايحــب الخــطــــــيه

النفس تامر للــردى والخـــــزايــا
وابليس وياها بنفس القضـــــية

غاياتــهم حـب الــبشر للـخطـايـــــا
يخــطــطــون شلــون يصـبح خويه

لو صاح باعلى الصوت قال النهايا
قالــوا تـرى عــمــرك سنينه مديه

يــاللــي تــدور للــشفا والــدوايــا
لاتــصــير نفــسك بــين هذي وذيه

اطلــب مــن الله كل صــبح ومسايا
ينجــيك مــن شــر الـنفوس الشقيه

لابــد مــن جلسة بوقــت الــخــفايــا
حاسب ضميرك قبل حـوض المنيه

محــاسبه فــيها طـــوال الــحــكايــا
لــوم ونــدم لو مـت وش صار فيه

هل انت مــتجهــز لــيــوم الــوفايا
او انــت نــفســك لــقــبوها ضــحيه

يوم الحشــر والــناس عــندك عرايا
عطــفــك ولــطفــك ياعــلــيم الخفيه

ماعاد به بـــشت ٍ ولا بــه عبايا
ولا عــاد بــه قصــر ٍ ولا بـه سريه

يارب تــهــديــنا طريق الهدايا
وجــنــات عــدنــك يــاالهي عــطيه

وسلامتكم

ابن شرعا


ارحب ارحب


الله لايهينك على ماخطت يمينك


وقصيدة رائعة ونصيحة جميلة



م
ش
ك
و
ر

يالغالي

حدباء قذله
لاهنت على الرد ويشرفني حضورك
والى الامام ان شاء الله