أنواع العطسات
 

أنواع العطسات

تعريف العطسة : هي تقلصات في العينين مع دغدغة في الخياشيم , يتلوها انفجار من عدة مصادر .


انـــــواعـــهــااا


1- العطسة الصاملة : وهي التي تباغت الضحية بدون مقدمات , مسببة له الإرباك , ولمن حوله الروعة .


2- العطسة الغير صاملة : وهي التي ترج لاهي اللي طلعت ولا هي اللي هونت , وقد يستمر الوضع ما يقارب الساعة في الحالات المستعصية , مسببة له العطلة ( وقف مصالح البشر) , ولمن حوله حرقة الدم .


3- سيل العطسات : وهي المتتابعة التي لا تفسح مجال لقول يرحمكم الله , وتكثر في الصباح الباكر .



* بعض المواقف التي توهق فيها العاطس :


1- معزوم عند أجناب , قاعد على السفرة , وتارس فمه رز .....وجت العطسة الصاملة ...( ما راح يسلم ولا احد على السفرة (


2- إمام أول مرة , و ابوه من المأمومين , بدا يقرا سورة الفاتحة ....جت العطسة الغير صاملة ...قام ينتع في الفاتحة , عاد ابوه يتقلب وجهه و يقول لنفسه ( ضيعت الفاتحة الله يفشلك).


3- أقبل على زملائه , عطس واحد منهم وحط يده على خشمه , يوم وصلهم , بادره أبو العطسة ومد يده لهم يبغى يسلم .


4- قاعد في حلقة علم , كبيرهم يحدث , عطس واحد , قطع الكبير كلامه و التفت عليه وقال يرحمكم الله , لكن العطسة كانت مقدمة لسيل من العطسات , كل ما رجع الكبير لكلامه , سكته بعطسة .


المواقف كثيرة ولا مجال لحصرها


نصيحة : بما أن العطسة ما تشاور , فعليك بمسايستها ولا تعاسرها أبدا بمحاولتك تاجيلها أو كتمها أو حتى بلعها ,فإنها سوف تخرج لا محالة , و ترد لك الصاع صاعين

مره كنا نصلي العصر والناس فيهم خمول وكسل والامام يطول في الصلاة واللي يتثاوب واللي ينعس واللي يفكر

المهم في ذا الجو الهادئ جدا جاتني العطسة الصاملة واعطس باقوى قوه و اللي فرقز واللي تحرك من مكانه واللي طار النوم من عيونه هخهخهخهخه

والله بغيت اضحك في الصلاة

بس الله يجيرك بغت العطسة تشق راسي نصين

لاهنت اخوي صقر آل عابس على الموضوع الصامل :)

السلام عليكم ورحمة الله وبركاته

شكراً لك اخي الكريم على هذا المشاركة

ذكرتوني بعسطة ولد الخال عطس في المسجد قال الي بجمبة يرحمك الله طبعا قال الرد بس الشي الغريب انهم كانو يصلون ههههههههههههههههههههههههههههه

امحق صلاة هههههههههههههههههههه

و فيه نوع ما ذكرته ..

العطسة الكذبية ... و هذي خاصة بالورعان في المساجد و المجالس ... يعطس ورع عطسة صاملة و يسمعونها الورعان اللي عنده و كل واحد يغصب نفسه يعطس .. و يقلبونها منافسة ... ههههههه


مشكوووور أخوي صقر آل عابس على الموضوع ...

في انتظار جديدك ...





أخـــ ابن شطفان ـــوك

جعلك تسلم


اخوي صقر آل عابس



لاهنت ياذيبان

شكراً لك اخي الكريم على هذا المشاركة

يرحمكم الله كلكم وشيبانا وشيبان المسليمن اجمعين

لكن اتحدى

واحد يقدر يعطس وهو مفتح عيونه حتى لوهو صقر

واللي يعرف السر يقول
يالربع (مالحكمة الإلاهية من غلق العينين اثناء العطاس لا إراديا)

وارجوا تحذير العوال من التعود على كتم العطسة
لان العطسة تسبب ضغط شديد جدا على الدورة الدمويه للدماغ اذا حاول العاطس كتمها

ودمتوا سالمين
الله يوسع صدوركم بالعافية

يرحمكم الله جميع

أخوي العزيز { آل معمر }

لاهنت على مرورك ومشاركتك بهذا الموقف يالغالي

تحياتي

===============================================

أخوي الغالي { عين حوران }

لاهنت على مرورك وتعقيبك يالغالي

تحياتي

===============================================
أخوي العزيز { ابن شطفان }

حلوة هذي العطسة الكذبية وصدقت والله وحتى في المدارس سواء في المصلى ولا الفصل وكمان تشترك معاها الكحة واحد يكح وتنقلب منافسة ويالله شوف المدرس يسكت واحد يطلعله ثاني وعلى هذا الموال ...

لا هنت على مرورك وتعقيبك يالكريم

تحياتي

==============================================

أخوي العزيز { فتى الجوة }

لاهنت على تعطيرك الصفحة يالغالي

تحياتي لك بلا حدود

==============================================

أخوي العزيز { المكابسي }

الله لا يهينك على المرور

تحياتي

===============================================

أخوي العزيز { أبو معصوم }

الله ينور دربك ألف شكر على مرورك وتقديمك هذه النصائح المهمة لا عدمتك

تحياتي

===============================================

الشين لما تعطس عطسه صامله عند ناس اجناب وماحولك مناديل طبعاً راح تحط يدك على خشمك

طيب الي في يدك كيف تمسحه؟؟؟ هنا التوهيقه:(

يعطيك العافيه على التعاريف الي في محلها يا صقر ال عابس

وهل فعلاً يتوقف القلب عند العطاس؟؟

إخواني .. حفظكم الله و رعاكم ..

ما معنى .. ( الصاملة ) ... ؟؟

جزاكم الله الجنة ..

و السلام عليكم ورحمة الله وبركاته