أبيات شعرية جميلة لأجل بنت بالجمس
 

مرسل من صديق
=========

أبيات شعرية جميلة لأجل بنت بالجمس

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياعسكري بأمن الطرق كان بك خير=بلغ علـى جمـسٍ تعـداك ذلحيـن
بلـغ عليـه وقفلـوا قبلـه السيـر=عندك صلاحيـه وعنـدك قوانيـن
واليا بغيت مواصفاته تـرى غيـر=جمسٍ مديله اربعـه فـوق الالفيـن
زيتي ووسطه خط فضي كما السيـر=ياحي منهـو دبلجـه بيـن لونيـن
اليا مشى مـن قوتـه وده ايطيـر=وزود بفاصل لا مشى اميه وسبعين
امطوريـن التقنيـه فيـه تطويـر=حتى المقاعد مخمل وجلـد شكليـن
وزود بشاشه واسطونـات تصويـر=وايضـاً بثلاجـه وتكييفـه اثنيـن
امصممه حصـل شهـادات تقديـر=والبيت الابيض محتفل فيه شهريـن
والرقم واضح مايبى كثـر تفسيـر=لف وواو ودال واحـد وصفريـن
اللي على الطاره ولد تـوه اصغيـر=واللي يمينه شايبـنٍ حـول ستيـن
وفيه الغزال اللي كسر هيبة الزيـر=لاسلهمـت بالعيـن تذبـح ملاييـن
لاارخت هدبها ترتخي لـه طوابيـر=والها الفخر لو تفتخر بس بالعيـن
والعنق عنق امذير الصيـد تذييـر=والراس حد السقف من طولها الزين
لوقفتها عن حالتـي عطـه تقريـر=واكتبلي العنـوان وديارهـم ويـن
واذا عرفتـه بشرونـي تباشـيـر=بروح واطلبها على السلـم والديـن
باخذ شيوخ اعتيبه وحرب ومطيـر=وشيخ اعنزه وسبيع ونجيه ناصين
لو المهـر تسعيـن ناقـه مغاتيـر=لسوقهـا فيهـا لـو ادانهـا ديـن
ان وافقت خيـرٍ لنـا خيـر تدبيـر=وان ارفضت حاربتها اسنين واسنين
ولو تنتخي ويفزع لها بوش وبليـر=لحرق قبيلتهـا واخليهـم اطحيـن
وجيبهـا بلغصـب لوكـان تظييـر=وانا شجاع ومن رجـالٍ شجيعيـن
ويا الله انا طالبـك يـا الله تيسيـر=يسر لي الخطوه من العسـر لليـن
لجل الغزال اللي كسر هيبـة الزيـر=ولجل العيون اللي تهـز السلاطيـن[/poem]

مشكور اخوي الغالي


ماااااااااااااجد



قصيدة رائعة جداً

الله الله ... قصيدة رائعة ... صح لسان قايلها ...


مشكووووور أخوي ماجد و لا هنت ...


في انتظار جديدك ...






أخــــ ابن شطفان ــــوك

يا فتى الجوه و يا بن شطفان
اسعدتم صباحا و مشكورين على المرور
وانا مثل ذا الرجال ..بس البنت عندها ..هوندا ذهبي ..و ما تعطي وجه ...
.دعواكم

الله يعننا وايااااااااااااااااك



ياماجد

لاهنت على القصيده يا ماجد ...

ها صاحبة الهوندا ...في اليابان ... ماهي قريــــــــــييبة

هخهخهخهخهخه

خلبط الشاعر وقام يدخل يمين شمال

القصيدة في الجمس والموديل والمواصفات ثم خلبط وحول على البنية اللي في الجمس

ودخل في علوم كثيره الغزل والزواج والمهر ووو


وبرضه في النهاية قصيده رووووووووووووووووووووووعه يا ماجد

تسلم يا صاحب الاختيارات الذهبية المميزة

تحياتي لك

هلا ماجد
قصيدة رائعة بس الأروع ردك على ابن شطفان وفتى الجوة
أسعدتم صباحاً ..... رهيبة أيام أبو جهل وشلتة
شوي وتقول ثكلتك أمك يافتى
بس وربي إختياراتك مميزة
وبصراحة جمس وبنت وكلهم أحلا من بعض
لاعدمناك أيها الكاتب الرائع