|
ورطة في امريكا ...
السلام عليكم خلال رحلتي الاخيرة مع الاهل الى امريكا الجنوبية عن طريق لوس انجلوس حصلت لي مشكلة مع الجوازات غير متوقعة .... (( تابع التواريخ لتتضح الصورة )) في منتصف شهر 7 افرنجي قدمت طلب تأشيرة لدولة البيرو فصدرت بتاريخ 30 شهر 7 وكان حجزي ان اصل البيرو عن طريق امريكا يوم 29 شهر 8 لذلك سافرت من اليابان الى لوس انجيلوس يوم 27 شهر 8 ومنها الى البيرو يوم 29 شهر 8 يوم رحت مطار لوس انجيلوس يوم 29 - 8 للمغادرة شيكو الجواز للتأكد من حصولي على تأشيرة البيرو طبعا كانت موجودة ولكن اكتشفوا ان تاريخ صدور التأشيرة هو يوم 30 - 8 يعني صادرة ثاني يوم بعد السفر الموظفة انصدمت كيف التاشيرة صادرة بكرة في طوكيو وانا في امريكا فرفضت اركابي ... وقالت لو ركبتك راح يرجعونك من هناك لان تأشيرتك صادرة بكره وبدأت اتصالات تستفسر وصل عدد من افراد دائرة الجوازات الامريكية ومعاهم كلبشات ... قلت لا حول تورطنا تحت الاشعة الجواز والتأشيرة تظهر لهم انهم صحيحين وغير مزورات ... بعد اخذ ورد جائت رئيستهم مدججة بالسلاح قلت لها انا رجال صايم ومصلي ولا عندي سواليف تزوير وهذا خطأ سفارة البيرو بدل ما يحطون شهر 7 حطوا شهر 8 .. والله العجيّز اقتنعت وقالت لهم ما عليه خلوه يسافر وان شاء الله ما فيه مشكلة .. طلعت العجيّز رئيسة الشرطة ايرانية مسلمة الله يجزاها خير تفهمت المهم طرت من الفرحة يوم انقلعوا اصحاب الكلبشات واركض للطيارة باقي عليها عشر دقايق ... بعد رحلة 8 ساعات من لوس انجيلوس الى ليما وصلنا والحمد لله الجماعة هنا ما دققوا واجد ومشت الامور على خير http://www.qahtaan.com/works/up/get....fhox1380545091 http://www.qahtaan.com/works/up/get....twxz1380545092 http://www.qahtaan.com/works/up/get....nprw1380545092 على كل حال نصيحة لكل من يحصل على تأشيرة تأكدوا من التواريخ وصحة الاسم حتى لا تتورطوا وسلامتكم |
رد: ورطة في امريكا ...
الحمدلله على السلامة
اهم شي انك طلعت بسلام ونصيحة في محلها |
رد: ورطة في امريكا ...
الحمدلله على السلامه يابوعصام
زين ماودوك غوانتنامو :( |
رد: ورطة في امريكا ...
كان عندك الحين تهمة ارهابي وانك احد السبعه اللي فجروا ابراج التجارة العالميه وانك انت اللي فجر السفارة في نايروبي وانك انت اللي فجر في الخبر وانك انت اللي فجر موكب رفيق الحريري وانك انت اللي قتل ابو مصعب الزرقاوي وانك انت .......... الخ
|
رد: ورطة في امريكا ...
اقتباس:
ربنا ستر والا كان الحين سلط ملط في السجن |
رد: ورطة في امريكا ...
لا تخاف يا ابو عصام
هم يشوفونك كبير بالسن و ما حولك شبهة المهم عطنا علومك عن رحلة البيرو |
رد: ورطة في امريكا ...
اقتباس:
اللي يقهر يا بو عبد الله ان اللي يختم الجوازات كوري والا فلبيني ويتفلسف عليك و حقين الجمارك ايراني او هندي , واللي يدقق نموذج الجمارك وانت طالع صيني واذا طلعت برا تلقى راعي التكسي صومالي او اثيوبي وبالفندق تلقى عربان ديرة حواق ... بخصوص البيرو ابشر ان شاء الله |
| الساعة الآن 03:42 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com