هذه القصيدة مهداة إلى ماجد بن محمد العريدي السحيمي من الشاعر / مبارك بن شريان العاصمي
 

هذه القصيده مهداه من
الشاعرالكبير / مبارك بن شريان العاصمي
لماجد بن محمد العريدي السحيمي
نتيجة وقفته معه في موقف من مواقف المرجله والفزعه وهذه من عاداته وافعاله الله يطول عمره



اناأشهدانك وافي يالعريدي
يفداك رجل مايسوي سواياك

يعتزفيك الجحدري والعبيدي
وكل اقحطان تفتخر بك وشرواك

ولي الفخريوم أذكرك في قصيدي
يالطيب اللي طبت من طيب مجناك

انت ابن عمي تاج راسي عضيدي
يا اللي ملكت الطيب من فعل يمناك

كم ضاق صدري واحكم الوقت قيدي
وقد مات حلمي ياأبيض الوجه لولاك

الله لايخلي من اطوال الايدي
شرواك ياماجد عسى اللاش يفداك

دام القصيد إيطيعني بتعب إيدي
واعد فعلك وامدحك وأقهراعداك

المدح يفخربك ويفخر قصيدي
ولابارك الله في القصيد ان تعداك

الله يرحم شايبك يالعريدي
من طيب ابوك أختار خالك وعلاك

واصبحت سيد قوم ودعيك سيدي
من فوق ظن اللي على المجد سماك

واختم جديد المفردات وجديدي
بالشكروالعرفان لك لاعدمناك

رد: هذه القصيدة مهداة إلى ماجد بن محمد العريدي السحيمي من الشاعر / مبارك بن شريان العاصمي
 

صح الله لسانك

رد: هذه القصيدة مهداة إلى ماجد بن محمد العريدي السحيمي من الشاعر / مبارك بن شريان العاصمي
 

صح لسانك يالعاصمي ولا عليك زود ,,

والطيب فيكم وفي قحطان واجب ولاهوب فضل