شبكة قحطان - مجالس قحطان - منتديات قحطان - وخيالها من سرعها مايشافي

- مـجـلـس الـشـعـر الـنـبـطـي (https://www.qahtaan.com/vb/forumdisplay.php?f=17)

- - وخيالها من سرعها مايشافي (https://www.qahtaan.com/vb/showthread.php?t=74772)

وخيالها من سرعها مايشافي

[poem=font="simplified arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="1,black""]
ياراكب اللي لاقلعت جالها حس = وخيالها من سرعها مايشافي
طيارةً ماطورها مابعد عس = متحركاته كلبوها نظافي
طيارها من دار ابو زيد ماهس = يلفي على القرم الكريم السنافي
اللي لياشاف المسايير مااندس = ويفرح ليامنه لفا البيت لافي
هاذي يبهرها وهاذيك تحمس = وذا هرفيّاً عصبه على العيش ضافي
ياتيك مندوبي ويقلط ويجلس = ويعطيك خطّاً فيه شرح الخوافي
ليو يابو فالح خمسة ايام محتس = متكدرٍ جوي عسى الله يكافي
سبة غزالاً مرني زينه املس = وزينه من المولا طبيعي وصافي
العز تاج الراس والعقل ملبس = ماهو من اصحاب العقول الخفافي
والحظ عوكس والزمان امتعوكس = شفته بليلة من ليال الزفافي
اشر تعينه لي هوا البال ثم نس = مقفي ومن نظرات غيره يخافي
وجيته وقلت اذهبتني مابها دس = صبري نفد يابو الثمان الرهافي
قال ابتعد قلت السبب قال لي : بس=- شحٍّ بكم ولا فلانيب جافي
وعودت لاكاسب ولانيب مفلس = والله علم وش ينتهي به مطافي
وارسلت لك قافاً على الفي والأس = وابغي مردّك لو على غير قافي[/poem]