وجد حالي
 

[poem=font="simplified arabic,5,white,normal,normal" bkcolor="black" bkimage="" border="none,4,gray" type=0 line=0 align=center use=ex num="1,black""]
طاحت النظره على طفلٍ حزين=ودّه يسوي مثل أية ولد

يشتكي ..يشتاق..بس يشكي ليمن؟=لا أهل عنده ولا حتى بلد

ما اقول الا عسى ربي يعين=والله ان حاله تبي صبر وجلد

وما أقول الا عسى ربي يعين=والله ان حالي مثل حاله بعد

لكن اجامل على مر السنين=وانقل جروحي ولا علّم أحد

طالت المدّه وصبري وصل لين=حد م اتحمّل ولا عندي جهد

والشعر يصرخ يقول أطلق يدين=قيدها من وقت حبلٍ من مسد

دمعتي حارت على أطراف عين=غاب غاليها ومسكنه اللحد

افتقد نعمة وجود الوالدين=وافتقد معنى المروفه والسند

وجد حالي عقب فرقا الغاليين=وجد منهو جدّ لكن ما وجد

ووجد حالي عقب فرقا الغاليين=وجد من حوكم بسجنٍ للأبد

بعدهم الافراح مجموعة روتين=الخميس يساوي السبت والاحد

بعدهم حتى المدينه كوم طين=والمباني كنّها خيام وعمد

بعدهم حتى زهور الياسمين=مالها ريحه ولا الوان أبد

ماكتبه الله في عالي الجبين=حطّم فوادي ونشّف ذالكَبِد

أحمد الخلّاق ربّ العالمين=الاله الواحد الفرد الصمد

بان جعلنا مسلمين ومؤمنين=بالقدر خيره و شرّه ل وفد

ربِّ أغفر لي ، لهم والمسلمين=ورب اغسلهم بثلجك والبرد

واجعل الجنه لهم قولوا [ آمين ]=لاحساب ولا عذاب ولا نكد[/poem]

رد: وجد حالي
 

اررررررررررررررحب يابو هذال

صح اللسانك على هذه الجزله

كل يوم يزيد اعجابي فيك لله

درك كم انت مبدع دايم ورائع


تقبل خالص شكري وعرفاني

رد: وجد حالي
 

صح لسانك ملايين
تقبل تحياتي وتقديري

رد: وجد حالي
 

الله يبقيك يابن عبيان ويسلمك.
شرفني مرورك واشادتك تاج على راسي

رد: وجد حالي
 

صح بدنك
ياهلا والله ومرحبا يابومعتز .
شرفتني بمرورك ياغالي.

رد: وجد حالي
 

ارحب يابو هذال

صح اللسانك على هذه الجزله

كل يوم يزيد اعجابي فيك لله

درك كم انت مبدع دايم ورائع


تقبل خالص شكري وعرفاني

رد: وجد حالي
 

الله يبقيك
لاعدمتك وشكرا على مرورك واضافتك