و انا من روس قوم و من قبيله
 

السلام عليكم و رحمة الله و بركاته


قصيدة في صديقي العزيز الشاعر

فيصل بن مرزوق البقمي

بمناسبة زواجه


[poem=font="simplified arabic,5,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="1,black""]
أحمد اللي على الفطره هداني = صمد فرد ٍ مـَ غيره رب ٍ ثاني
اساله يغفر ذنوبي و اساله = يقدّرني على زين المعاني
و اساله في عيون الناس مـَ اصغر = وْ رضاه الدايم وْ خضر الجناني
دعاني صاحبي فيصل وْ ياجب = ألبّي دعوته لامن دعاني
صديق ٍ غالي ٍ حسبة شقيقي = و لا لي عذر عن ذرب اليماني
وْ من باب الصداقه و الأخوّه = أبارك له و أزف أغلى التهاني
عسى الأفراح فاله كل حزّه = و لا يشكي من الوقت وْ يعاني
حميد أخلاق و أفعاله تنومس = طليق حجاج و عـْـلومه سماني
سلك درب المراجل في شبابه = يروم المجد ما يرضى الهواني
حدا نفسه على الطيب وْ عسفها = على العليا ما ينزل للطماني
وْ نال النعم و الكلمه صعيبه = على اللاش الردي ولْد الهداني
و هي ماهي غريبه لنّ ربعه = بقوم ٍ لا تهون وْلا تهاني
أسود ٍ فالعرين وْ من غزاهم = رجع مكسور مغبون ٍ مهاني
جيوش الترك في (ريحان) ولّوا = بعد ضدوهم ظهور السواني
دروع الحرب و سهوم المنايا = على ظهر العبيه و الحصاني
تصدّوا للخصوم و جندلوهم = بحد السيف و خشوم السناني
وْ صفحات التواريخ القديمه = حكتها قبل ما ينطق لْساني
فلا مدحي لهم بيضيف حاجه = و لا مدحي ينقّص من كياني
أنا من روس قوم و من قبيله = عبيدي الأصل و الساس اقحطاني
أعز مْن البقوم أشخاص واجد = و أنا لي عندهم قدر ٍ وْ شاني
و أعز الطيبين من القبايل = هل النخوه عريبين المجاني
و أعز الطيبين أهل الذرابه = هل الحكمه وسيعين البطاني
وْ ترى طيب الرجل من طيب ذاته = يبيـّن معدنه طول الزماني
وْ صلى الله على محمد و سلم = عدد دق العقارب بالثواني[/poem]


الشاعر

مبارك بن حاضر

رد: و انا من روس قوم و من قبيله
 

رد: و انا من روس قوم و من قبيله
 

صح لسانك يامبارك

ابيات جميله وراقيه

عجبني من الابيات الاعتزاز بالنفس والتطرق للاخر

أنــا مـــن روس قـــوم و مـــن قبـيـلـه =عبيدي الأصـل و السـاس اقحطانـي
أعــز مْـــن الـبـقـوم أشـخــاص واجـــد =و أنـا لـي عنـدهـم قــدر ٍ وْ شـانـي
و أعـــــز الـطـيـبـيــن مــــــن الـقـبــايــل =هـــــل الـنــخــوه عـريـبـيــن الـمـجــانــي
و أعـــــز الـطـيـبـيـن أهــــــل الـــذرابـــه =هــــل الـحـكـمـه وسـيـعـيــن الـبـطـانــي
وْ ترى طيب الرجـل مـن طيـب ذاتـه =يــبــيـــن مــعــدنـــه طـــــــول الــزمــانـــي
وْ صـلـى الله عـلــى مـحـمـد و سـلــم =عـــــــــدد دق الـــعـــقـــارب بــالــثــوانـــي

رد: و انا من روس قوم و من قبيله
 

صح لسانك وعلا شانك يابوفيصل

لاهنت وتقبل ود بحر

رد: و انا من روس قوم و من قبيله
 

ارحب يابوحاضر

صح السانك واعتلى شانك

ونعم في المادح والممدوح..

رد: و انا من روس قوم و من قبيله
 

البقا

صح بدنك

ماعليييييييك زوووووود

رد: و انا من روس قوم و من قبيله
 

صح بدنك يا عاشق الوطن

شرفتني بمتابعتك و تعليقك الرائع

لا هنت

رد: و انا من روس قوم و من قبيله
 

صح بدنك يا بحر

اشكرك على مرورك

لاهنت لاهنت

رد: و انا من روس قوم و من قبيله
 

صح بدنك يابو مسفر

ما عليك زووووود

لاهنت

رد: و انا من روس قوم و من قبيله
 

صح لسانك في ذمّتي أبيات تجمّل وزود

تحياتي يبن حاضر