|
خدمة التويوتا في اليابان ....
السلام عليكم عندي هذي التويوتا مطلعها من الوكالة من 6 سنين ... يعني ضمانها منتهي من 5 سنين , http://www.qahtaan.com/works/up/get....lprz1346903710 يوم الاحد الماضي الصباح دقيت سلف ما اشتغلت ... حاولت عدة مرات ... شكل البطارية منتهية , كلمنا الوكالة ... خلال 25 دقيقة الفني عندنا في البيت مع بطارية جديدة ... عمل اشتراك واشتغلت وقال سيأخذ السيارة للوكالة للتأكد منها وشحن البطارية وترك لنا سيارة بديلة . اتصلوا في المغرب وقالوا تم شحن البطارية ولكن ضعيفة وسيتأكون فيما اذا كان هناك خلل اخر ... صباح اليوم التالي اتصلوا وقالوا المشكلة في الدينمو وسيتم تغيره .. ب عد يومين رجعوا السيارة بعد تغير الدينمو بقيمته ... وقالوا انهم وضعوا بطارية جديدة مجانا وبعد مرور 5 ايام ارسلوا الفاتورة بالبريد ... http://www.qahtaan.com/works/up/get....nopr1346903711 لا تعب ولا وجع راس |
رد: خدمة التويوتا في اليابان ....
يا عيني يا ابو عصام ناس امينه وتخاف الله ولو ما كانوا مسلمين عندهم تقدير للوطن وللمواطن
ليتك تشوف اليحيا في ابها وما يسونه ويسرقون الناس والعين تشوف العين خيانه وكذب وتجيب سيارتك ممنوع تدخل الصيانة وبعدين تتفاجا ان المبالغ فلكية حسبنا الله ونعم الوكيل |
رد: خدمة التويوتا في اليابان ....
ابو عصام سبحان الله تقول عمرها 6 سنين ورب البيت تقول وكاله ما شاء الله عليك وعليها
عندنا اطلعها اليوم بعد اسبوع الصدامات اشكال والوان تقول خريطة العالم العربي عموماً يابو عصام ما ودك تعزمني عندك باليابان على طول وتشوف لي بنت الحلال تقرب لحق تويوتا باليابان هههههههههههههه |
رد: خدمة التويوتا في اليابان ....
أجل معطينك البطارية مجانا هههههههههههه
عندنا السيارة موديل 2011 إذا تبغى تكشف عليها فقط يقول ادفع حق الكشف 50 ريال بس عشان يشوف المهندس وش فيها وبعدها بكيفك تبغى تصلحها عندهم تدفع قيمة الاصلاح والقطع ولا تتكلم بكلمة وحدة وتروح على رجلينك بعد .... وبدون سيارة بديلة وإذا ما تبغى فارق ولكن قد سحبوا من منك 50 ريال ههههههههههههههههههههه حالنا يضحك الناس ويرحم علما أنني متأكد إن القوة الشرائية لسيارات تويوتا في السعودية أكثر من اليابان بمرتين عندنا الشعب ما يعرف إلا تويوتا وبس سؤال اخير يابو عصام كم تكلفة الدينمو وقيمة التركيب شغل اليد عندنا وكالة تويوتا تصلخ صلح ماهو صاحي دينمو الكامري عندنا 2600 قبل الخصم بعد الخصم 2200 ريال سبحان الله المبلغ طلع كامل بدون خصم ولا شي يعني تكلفة التصنيع والبيع والشحن وفائدة عبد اللطيف جميل ووو كلها 2600 بالتمام والكمال كذا جات بالصدفة 2600 ما فيه 2683 والا 2601 واللي اشد منها الخصم خصم لك 400 وصارت التكلفة 2200 عندنا ما يتعاملون لالكسور والريالات ما فبه الا الاف ومئات وبس |
رد: خدمة التويوتا في اليابان ....
اقتباس:
كل التصليح 520 ريال من البيت للبيت |
رد: خدمة التويوتا في اليابان ....
نحن من يد نشيط في يد نشيط
ومن تاجر الى فاجر عمر الحرامي طويل وعلته تطول ندعي عليهم بالله والدعا ماصاد الذيب لاننا من قوم يستعجلون طبعا شفت الخرد الي عندي يابو عصام ولو رحنا للمزرعه كان العجب في رجب ماعينت راعي امانه يصلح استفيد منها بيع او خدمه |
رد: خدمة التويوتا في اليابان ....
اقتباس:
المشكلة يابو ناصر الامانة معدومة .. والثقة معدومة .. والصدق معدوم وكل وده ياكل لحم اخيه يا اخي امس خرجت من المستشفى والفاتورة 840 الف ين يعني 42 الف ريال ... وانا اجنبي ممكن انحاش بنفس اليوم .... قالوا لي بكيفك ماهو شرط تدفع بنفس اليوم ... الاسبوع الجاي او الشهر الجاي على راحتك .... شف الثقة مستشفياتنا ما تطلع الا مسدد ... |
رد: خدمة التويوتا في اليابان ....
ابو عصام
عندنا المستشفيات ما تعالجك أصلا إلا لما تدفع :) |
رد: خدمة التويوتا في اليابان ....
اقتباس:
والله يابو عصام اذا خرج المريض لن يعد الا ان يجبره المرض يرجع مافيه وفاء لدى معظم الناس الله لايبلانا ماتشوف مستشفياتنا ينسون المقص في بطن المريض هذا تعينه ماسدد الفاتوره يبونه يرجع غصب بس عس بطنك يابو عصام هههههه بعدين العناوين عندنا معدومه انا عنواني تبوك ماحدثوا عنواني من يوم سلمتهم التابعيه واستلمت البطاقه الخارجه من بطن الحاسب الالي على الرغم من تسليمي لهم البيانات عده مرات اذا امهلني المستشفى وين يحصلني في كريب جبل العار ولا ام القصص ولا جبل ابان ههههه نحمد الله الي عافاك يابو عصام |
رد: خدمة التويوتا في اليابان ....
الحمد لله على السلامة يابو عصام
فرق كبير مثل فرق البلد الصناعي عن البلد المستهلك |
| الساعة الآن 10:50 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com