مشاركتي في حفل ذيب العبيدي وربعه آل سلمان
 

السلام عليكم

مساءكم شعر


سلام ياربعٍ على العز والدين
اغلى تحيه طيبها المسك عنوان
سلام يالحرقان قومٍ ميامين
****ياعزوةٍ بالفخر و المجد بنيان
بعد احتمع في عيدنا اليوم عيدين
عيد الصيام وجمعكم يآل سلمان
الطارفه تحمونها اسنين و اسنين
تحت ظلال الشلف ومعلط اسنان
واذا رجعنا في سطور القديمين
ياكم تهجا الصدر بعلوم زبران****
المدح سقته والنشاما غنيين
في ماقف يفتح مع الفكر بيبان
في داعي ابن جريب جبت العناوين
احلى من البارد على كبد ضميان
ذيب على اسمه ذيب فالعسر واللين
رجل المراجل والشجاعه وميدان****
ينساح بالي لا جلبت المثامين
اللي لها في سحر الأسماع تبيان
والحق له كلمه تقر الموازين
الحق ما طفف على كل ميزان
قلته عن آل الصقر ربع كريمين
والباب جامع ياعبيده وقحطان
واختم تحايانا على العز والدين
اغلى تحيه طيبها المسك عنوان

رد: مشاركتي في حفل ذيب العبيدي وربعه آل سلمان
 

صح لسانك ابو زياد والى الامااااااااام

وال سلمان ربعنا ويستاهلون

مشكور

رد: مشاركتي في حفل ذيب العبيدي وربعه آل سلمان
 

صح لسانك يا ناصر وال سلمان والشاعر ذيب العبيدي يستاهلون المدح
تحياتي وتقديري