مساجله بين بن نشار وبن هدلان
 

يقول طلال بن نشار
(من منا لايعرف الشيخ شالح ابن هدلان ومن منا لايسمع بالفديع ابن هدلان أبطال حفضنا قصصهم واشعارهم ومغامراتهم

عن ظهر قلب الطيب والكرم والحميه وحسن الجوار وتقدير الخصوم سمتهم لايغدرون لايكذبون لاينقصون حق الاجواد وكما نعرف القصص التى كانت بين شيوخ عتيبه الحمدة والهدلاين من قحطان دروس تسطر بماء الذهب وتدرس للااجيال تذكرت ذلك جيدا قصيدة أهديها لحفيد هذا المجد الاشم الشيخ خليل ابن هدلان وهو يستحق المدح ) :


[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num=",white""]



للمواتر شيخ مثل أهل الاشدة = مثل شيخة شائب جزل المعاني



أشهد ان الشاص ماشي يضدة = لامشاله مع نفود ومع طماني



أيتهزع مثل حرن في مهدة = ويتمائل مثل مجلي الثماني



أشهد أنة منوت اللى باح سدة = لاترفع عن شبية العقرباني



وأشهد انة طنخة اللى ضاق بدة = وأنتهض يبغى وسيعين البطاني



الخوي اللى معك في كل شدة = شيخته ماهيب شيخة بهبهاني



ابن شيخ وشيخته من وقت جدة = ماكسبها من فلان ومن فلاني



لاطرالك لازم ماعنه صدة = أعصب الغترة وفك لة العناني



مع تهاتيه الخلا يعجبك فدة = كنة اللى وارد جم المحاني



نصة اللى قبل ماعدو نعدة = جدة اللى حطلة في نجد عاني



ياوريث الشلف مطنوخ الاشدة = تفتخر في شيخته كل قحطاني



الشجاع اللى زما في نجد حدة = يوم ابن هدلان يجدع بالحصاني



لاوصلة العلم لايبطي مردة = شيخنا اللى عارف كل المعاني [/poem]



رد خليل بن هدلان :


[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num=",white""]
راكب اللي واردٍ من يم جده = خمسه وعشرين في شهر رمضاني

لكزسٍ لا رحم ابو من لا يوده = بالمواتر له وقار وله مكاني

ماركبه اللي يدور للمكده = مركبٍ لاخوان نوره وال ثاني

لا عطى له مع خطوطٍ مجرهده = راح مثل البرق يالله المستعاني

سايقه شغموم واللازم يسده = ما قضى عمره على طرد الغواني

محزمٍ وافي على الشده تشده = لا قدم عشره ما ترجع في ثماني

لا زهمته جاك ما شيٍ يرده = امتفاني دام تال العمر فاني

عند ربعه مقدم ونزاع عَده = لا كذوب ولا بخيل ولا جباني

ينحر اللي يفعل الطيب ويمده = وارثٍ طيبه من اطوال اليماني

شيخته ماهيب توها مستجده = شيخةٍ تعرف على طول الزماني

سيف حربٍ يرهب العدوان حده = من بني نشار مروين السناني

من عتيبه فعلها كلٍ يعده = بان مثل الجدي وسهيل اليماني

تكرم الخطار والعايل تضده = بالسيوف اللي عليها الدم قاني

ويانديبي للعديم الرد وده = كاسب الامداح من قاصي وداني [/poem]

رد: مساجله بين بن نشار وبن هدلان
 

صح الله لسان بن نشار
ولسان ابن هدلان

مساجله رائعه

والله لايهينك يا استاذ علي على الاختيار المميز


تحياتي