من يعين لي مهل واعطيه من عندي ابشارة
 

بسم الله الرحمن الرحيم

سالم (ابو زايد )
يندب مهل في ابيات فيها شي من العتب حيث واعده بزيارة عند الابل ولم يزره فقال ابو زايد هذه الابيات

من يعين لي مهل واعطيه من عندي ابشارة ... شيخ طيب وشيخ علم كلبوها في معمه
غايب له مدة ماجاني اصحيبي زيارة ... وان نشدته قال انا اللي غايبن لي مهمة
صادقن واصدقه واثر المطوع به عيارة ... انت تعطيني كلام الصدق والا وليد عمه
انتبه ياصاحبي والحر تكفيه الاشارة ... مانبي مسرى ضياع يا ابن ناصر دون يمة

( ابو زايد (

رد الاخ مهل محمد

من زمان فات وانا مثل رقاد الخبارة ... واتحرى متى ابو زايد بياتي بالمطمة
لا تولعها ترى الفتنة تولعها شرارة ... ثم يفرح واحد ماصاب حالك مايهمه
الرفيق اللي توده سايره واقبل عذاره .. . وان حصل منه قصور ياوسيع العرف تمه
خابر انك تكرم اللافي وتوفي له وقاره ... لاكن الوقت الصعيب ايفك شملك مايلمه

(( مهل .. ابو محمد ))

رد: من يعين لي مهل واعطيه من عندي ابشارة
 

ارحب ثم ارحب

مساجله لايعلها عليه

رد: من يعين لي مهل واعطيه من عندي ابشارة
 

الله الله

قصيديتين رائعة جدا ً

اعجبتني كثير

خابر انك تكرم اللافي وتوفي له وقاره
لاكن الوقت الصعيب ايفك شملك مايلمه

صح الله لسانك و لسان ابو زيد

و في انتظار المزيد و المزيد

تقبل تحياتي