((((((مرثية الشيخ مانع بن مذكر ال سلمان))))))
 

الحمد لله الذي لايحمد على مكروه سواه وبعد

يتقزم الكلام ويصعب التعبير عن علم من اعلام قبيلة ال سلمان المرحوم بأذن الله تعالى

الشيخ مانع بن مذكر ال سلمان الحرقان

هذا العملاق الذي لامس الكواكب بفعله لاعمال الخير ومابذله من وجه وجاه لاصلاح ذات البين ومن كرم حاتمي منقطع النظير

عندما كانت الاموال والموارد شحيحه الا على من دك اسوارها بسخاء وبعزيمة الرجال

فنسأل الله ان يتقبله قبول حسن وان يجعل مافعله من خير وعطاء حائل بينه وبين النار

فلقد جادت القريحه بصادق الاحساس وترجمت مايختلجه الصدر بدون تصنع وتكلف

واطلبوا له بالمغفره والرحمه انه القادر على كل شيئ


[poem=font="simplified arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يالله ياللي كلبونا نطيعه=ياللي لحكمك نمتثل لك وننصاع
يامل قلبٍ يوم تسمع قريعه=قرع الطبول اليا دعت نايد القاع
والعين هلت ماتعصى جميعه=جادت وهي للدمع ماهيب مطواع
ضاقت علي القاع لوهي وسيعه=وأقنب كما ذيب رقا راس مطلاع
الله ياكبر الجلل والفجيعه=اللي تشل القلب وتهز الاسماع
سيفٍ من سيوف الزمان الوريعه=في وسط غمده عقب ماكان قطاع
حصنٍ من حصون اقحطان المنيعه=اللي تذري دارها دون الاطماع
لاعدوا اهل الجود جاء في الطليعه=وان زهموا أهل الجاه ساطي وفزاع
وان جات للقالات والا الوجيعه=يرسي ولايهتز والعرف ماضاع
وان جات لفعول الرجال الشنيعه=انشهد انه طايل الشبر والباع
وان جاء نهار المعركه والوقيعه=فعله مع الاول ولاهوب ينصاع
وان حل وقت وكرب لاهو ربيعه=هذاك مانع وافي المد والصاع
منزال بيته في التلال الرفيعه=ماهوب عن ضول المسايير جزاع
ياما ذبح من حايلٍ مستبيعه=وياما هدم سورالفقر دون جيّاع
يمناه تعطي فوق ماتستطيعه=وبيبان بيته للخطاطير شراع
دمث الجناب وفيه ميزه فظيعه=الين من الديباج والكف بتاع
دارت دواليب المفارق سريعه=غاب الجدي اللي على الكون لماع
والحزن في عيني وفي الصدر ليعه=والهم جامد في الحنايا ولاماع
ودعتك اللي مايضيّع وديعه=والقلب من فرقاك ياعم ملتاع
حكم الولي حقٍ علينا نطيعه=حتيش لو كنيتها بين الاضلاع
مرحوم ياراعي الهروج البديعه=ياطيب السيره ويازين الاطباع
يامن شكى محرابه من القطيعه=من قايمٍ في الليل ساجد وركاع
يالله عسى خير البرايا شفيعه=وأنك تصبرنا لحكمك وننصاع[/poem]
انا لمحزونون

بحر

رد: ((((((مرثية الشيخ مانع بن مذكر ال سلمان))))))
 

نسأل الله له الرحمه والمغفره

صح الله للسانك يبوبندر ولاهنت ,,

رد: ((((((مرثية الشيخ مانع بن مذكر ال سلمان))))))
 

رحمة الله عليه..افعاله كلها ترفع الراس..تقبل تحياتي واعذرني ع التاخير,,

رد: ((((((مرثية الشيخ مانع بن مذكر ال سلمان))))))
 

رد: ((((((مرثية الشيخ مانع بن مذكر ال سلمان))))))
 

الله يسكنه جنات الخلد

ويجبر مصاب قحطان في بو جريب


صح الله لسانك يابو بندر

رد: ((((((مرثية الشيخ مانع بن مذكر ال سلمان))))))
 

ارحب يا بحر

صح الله لسانك على هذه القصيدة الرائعة

والله يرحم الشيخ مانع

و يعوضكم فيه خير

رد: ((((((مرثية الشيخ مانع بن مذكر ال سلمان))))))
 

حزنت علية وانا ما عرفة

لا ن الطيب اللي من ربعي ينومسني ولوكان في قبره

جعل عظامه في الجنه


مرثيتك يابحر من اقصى قلبك

رد: ((((((مرثية الشيخ مانع بن مذكر ال سلمان))))))
 

رد: ((((((مرثية الشيخ مانع بن مذكر ال سلمان))))))
 

ارحب يابوبندر


وصح الله لسانك


وجعل عظام بن مذكر في الجنه

رد: ((((((مرثية الشيخ مانع بن مذكر ال سلمان))))))
 

صح بدنك يابوفيصل

ولاهنت على المرور

وتقبل تحيات بحر