قصيده للشاعر حسين بن شتوي الحبابي في مدح الامير فيصل بن خالد والعجمان
 

قصيده للشاعر حسين بن شتوي الحبابي
في مدح الامير فيصل بن خالد امير عسير
ومدح قبيله العجمان
والشيخ عبدالمحسن بن مانع بن قضعان
والشيخ تركي بن عبدالله الدامر

[poem=font="mudir mt,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]


احترت مدري وين اسوق الركايب=وخذيت من وقتى دروس وتجاريب
من عاش فى الدنيا يشوف العجايب=وتبين الشده معادن الاصاحيب
والظن في العجمان ماهوبخايب=اللي نسبهم من كبار المكاسيب
زهمت ابن قضعان ياباالشعايب=قال احتزم لولازمك عسر واصعيب
زهمتني ياحسين ويش السبايب=قلت ونعم مافيك شك ولاريب
محسن ولد مانع ولاانته بهايب=شيخ تعرف المرجله والمواجيب
عون لمن كثرت عليه المصايب=والضيف يبشر بالعشاء والتراحيب
وكلم رفيق له يسدالنوايب=في منصب يزهاه بين المناصيب
هوتركي الدامر زبون الصعايب=شيخ تعلى فوق رووس المراقيب
جمايله تشبه مزون السحايب=ومن طيب جده ناسبوه المعازيب
قضى لزومي من عطيب الظرايب=فيصل ولدخالد وجاب المكاتيب
وحكامنا دايم تحل النشايب=والطيب مانستغربه من هل الطيب
بيت من الصاري ولوكان غايب=ذكره وذكراسمه علي حق ومصيب
وفعل الجمايل من كبار الوهايب =حمل على الرجال وانكارها عيب[/poem]

رد: قصيده للشاعر حسين بن شتوي الحبابي في مدح الامير فيصل بن خالد والعجمان
 

صح الله السانك يا حسين بن شتوي

رد: قصيده للشاعر حسين بن شتوي الحبابي في مدح الامير فيصل بن خالد والعجمان
 

لاهنت وصح بدنك يالمنشد

رد: قصيده للشاعر حسين بن شتوي الحبابي في مدح الامير فيصل بن خالد والعجمان
 

صح لساااانك ياحسين

ويستاهلون المدح هله

تقبل مروري

رد: قصيده للشاعر حسين بن شتوي الحبابي في مدح الامير فيصل بن خالد والعجمان
 

هلا وغلا اخوي ولاهنت

رد: قصيده للشاعر حسين بن شتوي الحبابي في مدح الامير فيصل بن خالد والعجمان
 

شاعر ابوفارس من الشعار المحبيه