|
الشاعر رائد ناصر المقاطي العتيبي يمدح قبيلة قحطان
ياهاجسي حضر ترا وقت اللوازم حان وانا خابرك لاجات اللوازم توفيها ابنخا بيوت الشعر لاصفن كما الفرسان جيوشن تغيض اكبود وكبود تداويها وابقودها قود الطوابير في الميدان وابرفع راية العز في شتى نواحيها وانا شاعرن فالمواقف محزمي مليان وعليه فروضن لازم اني اقضيها الا يالعروبه افخري اصل العرب قحطان قرومن يشوش الراس لاحل طاريها عوال الشايب اللي فعله بماضي الازمان وتذكر فعوله حاضر الدنيا وماضيها عوال امضيم ضيمن للمعادين مهما كان وعز الخوي لابانت الدنيا شقاويها ليا جاهم الطرقي ماصكو دونه البيبان تدسم شاربه والحيل تملا صيانيها لهم تاريخ ينحت على صم الصخر مالان على ارض الجنوب ونجد تثبت مواطيها ابذكر مفاخرهم وكل المسلمين اخوان لكن اقحطان اللي على العليا مباديها ابن قرمله سيفن يطوع راعي العصيان خذا عشرين عام ونجد بالسيف حاميها وابن دليم امع المهادي وابن هدلان وابن شفلوت شمسن باديه مانخفيها وابن لبده وابن ريفه مع الشبوي عليان وابن حشر وابن شري تعرف مغازيها لاصكو على العطفه يجلهم سطا واجنان الا واقشر حظ الرجال اللي تعاديها ذكرت البعض منهم بلا قاصر ولانقصان نجوم السماء بتجف الاقلام ماحصيها هذا وانا لاقلت عن ربعي العتبان رجالن تنومسني فعايلها واماريها |
رد: الشاعر رائد ناصر المقاطي العتيبي يمدح قبيلة قحطان
صح لسانك ولاهنت وهذا من طيب أصلك ونعمن بك وبربعك
|
رد: الشاعر رائد ناصر المقاطي العتيبي يمدح قبيلة قحطان
صح لسانك يارائد وتسلم يمينك
ولاعليكم زود ياعتيبة وبيض الله وجهك أخوك أبو فهد |
رد: الشاعر رائد ناصر المقاطي العتيبي يمدح قبيلة قحطان
صحت ابدانكم ولاعليكم زود ياصبيان قحطان
|
رد: الشاعر رائد ناصر المقاطي العتيبي يمدح قبيلة قحطان
تملك شاعرية فذه اعجبتني جدا بجزالتها ولاعليكم زود يالهيلا
|
رد: الشاعر رائد ناصر المقاطي العتيبي يمدح قبيلة قحطان
ارررررحب يا رايد
صح الله لسانك قصيدة كفو من شاعر كفووو و لا عليك زود يالقرم و ونعم بربعك العتبان و الله يبيض وجهك و يا مرحبا بكم في محلك يالغالي و في انتظار المزيد من مشاركاتك حياك الله |
رد: الشاعر رائد ناصر المقاطي العتيبي يمدح قبيلة قحطان
ماعليك زود ياالعتيبي وونعم بك وربعك
وانت وافي ومن قوم قروم لاهنت |
رد: الشاعر رائد ناصر المقاطي العتيبي يمدح قبيلة قحطان
شهاده اعتز بها ياماجد ولاهنتو على المرور كلكم وعتيبه وقحطان عينين في راس حر
|
رد: الشاعر رائد ناصر المقاطي العتيبي يمدح قبيلة قحطان
(((((((( تعديل بسيط ))))))
اقتباس:
|
| الساعة الآن 04:31 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com