|
مرثية في الشآعر عبدالله بن فهد بن دماث
السلام وعليكم روحمة الله وبركاته , مساكم الله بالخير والمسرة الدايمة هذه مرثية في أخوي عبدالله بن فهد بن دمآث الاحامرة القحطاني ونسأل الله له بالرحمة والمغفرة ي كريم يقول : القاف يبدأ بالدموع الغزيرة ومع نبرة الحزن الشديده يغنّا بنات فكري صخرن الحزينات في خوي ستر الغيد زبن المجنّا يابري حالي والحقه عشر بريات والعين يذرف دمعها ماتونّا ياكيف ابسلى وانقل الهم بسكات وخيام حزني في ضميري تبنّآ اروح وارجع واشتغل بالتلفات واقول الى هالحين ماغاب منّا ان قلت شاعر قالي الشعر هيهات وان قلت فارس جاوب الخيل عنّا والله يالولى حكم رب السماوات ﻻخذ بثارك كل شيخن معنّا غدر الرجال اهل الوفا والشكالات طريقتن تنهر سنين مضنّا العين تدمع والحشا فيه لجات والقاف يدمع والمثايل بكنّا اي والله بتبكي بكل العبارات ﻻجل الكريم ابن الكريم المسنّا الزير لاجل اخوه قايم بثارات وانا لاجل ذرب اليمين اتغنّا مرثية تسمع بكل الاذاعات وكل الصحف بها البيوت اكتبنا ياليتها ترجع مثارن وغارات لأشن حربن طآحنة ماتونّآ يالله يالمعبود جزل العطيات تسقي ثراه من الوسم لارجعنّا وانك تصبرني على غدر الاوقات وتاخذ بروحي قبل يطغى زمنّا |
رد: مرثية في الشآعر عبدالله بن فهد بن دماث
صح الله لسانك يابو فهد
والله يرحم شاعرنا وفارسنا عبدالله والله يبارك فيمن بعده والجاني سوف يأخذ جزاه بإذن الله تعالى انه قوي عزيز وان الله تعالى لا ينزع بركة من اهلها تحياتي لك ولإبداعك وسلم على الربع جميعا |
رد: مرثية في الشآعر عبدالله بن فهد بن دماث
اروح وارجع واشتغل بالتلفات
واقول الى هالحين ماغاب منّا ان قلت شاعر قالي الشعر هيهات وان قلت فارس جاوب الخيل عنّا الله الله يا وليد مرثيه معبره رحم الله اخوك واسكنه فسيح جناته وشرع الله ان شاء الله ينفذ فيمن غدر به وانت مؤمن والحمد لله تحياتي وتقديري |
رد: مرثية في الشآعر عبدالله بن فهد بن دماث
صح لسانك يالوليد وبيض الله وجهك قصيدة معبره بماتعنيه الكلمة من معنى والا اقول الا الله يرحم عبدالله ويسكنه فسيح جناته |
رد: مرثية في الشآعر عبدالله بن فهد بن دماث
انا لله وانا اليه راجعون
الله يرحمه ويسكنه فسيح جناته انه القادر على ذلك وصح لسانك على المرثيه الطيبه وخاصة البيت اللي تقول ياليتها ترجع مثارن وغارات لأشن حربن طآحنة ماتونّآ |
رد: مرثية في الشآعر عبدالله بن فهد بن دماث
يابري حالي والحقه عشر بريات .الله يجبر قلبك يبو فهد ويرحم الفقيد
|
رد: مرثية في الشآعر عبدالله بن فهد بن دماث
نسأل الله له الرحمة والمغفره وأن يجعل مسكنه جنات عدن والحقيقة بعد ما سمعت السالفه من أحد جرانكم زمان في الخرج تأثرت بقوه وحزنت حزناً شديد والسبب قتل النفس التي حرمها الله سبحانه والغدر السئ ولكن ثق تمام الثقه ما راح يضيع دم أخوك والصبر على المصايب أجره كبير الله يجبركم في مصيبتك وصح الله لسانك |
رد: مرثية في الشآعر عبدالله بن فهد بن دماث
الله يرحمه ويسكنه فسيح جناته
|
رد: مرثية في الشآعر عبدالله بن فهد بن دماث
الله يرحمه و يغفر له و يسكنه الجنه
و يعوضكم خير يابو فهد و يلهمكم الصبر و السلوان و الله يحسن عزانا و عزاكم و والله ان العزا و المصاب واحد على الجميع لكن مانقول الا الله يرحمه و يغفر له و يسكنه الفردوس الأعلى و صح الله لسانك على هذي المرثية المؤثرة يابو فهد. . |
| الساعة الآن 10:30 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com