لا يأخذك ظنك ....... للتواااااااصل
 

[poem=font="traditional arabic,6,blue,normal,italic" bkcolor="transparent" bkimage="" border="none,4,gray" type=2 line=0 align=center use=ex num="1,black""]
هيه لا يأخذك ظنك وتمشي في غواك = أحرم النفس اللعينه عن اللي ودها
وكان وقتك يابن الاجواد عالهون أحتداك = إحتمل والنفس حذرا تبين سدها
الصبر على المقادير ما يرضي عداك = ودها لك بالجزيله ولا هو بودها
ميز اللي قدم وجهك وميز ما وراك = ومد يمناك الطليقه ولا ترتدها
وخل نسبة طيبك تفوق عن نسبة رداك = الفساله خلها والجماله بدها
والقٌريب كان سبك وبالهرجه قفاك = فعله وهرجته للناس لا لا تعدها
ذب راس الرجم لا تلتفت للي دعاك = في المواقف يفترق مزحها من جدها
ولا ترد اللي تعنى على شانك وجاك = النشاما عشها لا لفتك وغدها
خذ كلام الصدق والعلم ما هو بيخفاك = بارك الله في رجال" تثمن كدها
استمع لي يا خويي وحي الله نباك = شاعر" يحكم علومه ليا من عدها
لك شهر تخطي بحقي وتجهل في خطاك = العلوم تجيك منا ولا جاء ردها
تشعب اركابك على وين ما ادري ويش بلاك = تبني الخيمه وصلف الهبوب يهدها
سقت نفسك والقدم للمخاطر والهلاك = وأنت بيدك ترخي احبالها وتشدها
وتحرس المرمى وتجهل مهارة من رماك = وان تعداك الرمي قلت ما اصعب صدها
احلم احلم واسمع الشور كان الله هداك = اسمع اهروجي وروٌق ونفسك هدها
كان ودك تتبع ارضاي وانا اتبع ارضاك = الموارد واجده وأنت تعرف عدها
قلتها واقول والعلم ما هو بيخفاك = بارك الله في رجال" تثمن كدها

بن شبله[/poem]

رد: لا يأخذك ظنك ....... للتواااااااصل
 

ذب راس الرجم لا تلتفـت للـي دعـاك
في المواقف يفتـرق مزحهـا مـن جدهـا
ولا ترد اللي تعنى علـى شانـك وجـاك
النشامـا عشهـا لا لفـتـك وغـدهـا



صح لسانك ياعلي وعلى الاخرى عانك

قصيده وطاروق يشبع الذائقه

لاهنت وتقبل ود بحر

رد: لا يأخذك ظنك ....... للتواااااااصل
 

صح الله لسانك اخوي علي


قصيدة وافيه

لاهنت يالقرم

ولاتحرمنا من جديدك

رد: لا يأخذك ظنك ....... للتواااااااصل
 

أرحب يا علي..

من طوّل الغيبات جاب الغنايم..

صح لسانك وأنا خوك..

ولاااتهون على هالدرر الثمينه..

تحياتي..

















.

رد: لا يأخذك ظنك ....... للتواااااااصل
 

اررررررحب يابن شبله

ابداع ابداع ابداع

قصيدة رائعة جدا ً

طاروق و قافيه و سبك و معنى

بيض الله وجهك و صح الله لسانك و على الثانية عانك



تقبل تحية أخوك
مبارك بن حاضر

رد: لا يأخذك ظنك ....... للتواااااااصل
 

صح لسانك يابن شبلة وبيض الله وجهك
تقبل مروري

رد: لا يأخذك ظنك ....... للتواااااااصل
 

أرحــــــــــــــــــــــــــــب يابو بندر

لا خــــــــــلا ولا عـــــــدم يابن عمي

صح بدنك ومشكور ع المرور يالغالي

رد: لا يأخذك ظنك ....... للتواااااااصل
 

صح الله لسانك اخوي علي


قصيدة وافيه

لاهنت يالقرم

ولاتحرمنا من جديدك

رد: لا يأخذك ظنك ....... للتواااااااصل
 

صح والله لسانك أشهد بالله انك جزل وقصيدك جزل
وشاعر يغوص البحور ويجيب الدرر لله درك
تقبل مروري وتقديري أخوي علي

رد: لا يأخذك ظنك ....... للتواااااااصل
 

وخل نسبة طيبك تفوق عـن نسبـة رداك
الفسالـه خلـهـا والجمـالـه بـدهـا



صح الله السانك يابو سالم دائماًًًمبدع وجزل ولايستغرب الطيب من هله .