حنــا العرب
 

السلام عليكم ورحمة الله وبركاته

قرأت قصيدة لشاعر والأمير / خــــالد الفيصل وأعجبتني وحبيت أنقلها لكم وتقبلوا قائق تحياتي وعساها تعجبكم وتحوز على رضاكم



حنا العرب يــــا مدعين العروبة

وحنا هل التوحيد وانتم له أجنـــاب


وحنـــا شروق المجد وانتم غروبه

وحنا هل التاريخ وأنتم به أغــراب


يوم الفقر شلتوا علينا عيوبـــــه

واليوم عقب النفط جيتوا لنا أنسـاب


ويوم الفقر فينــــا البداوة سبوبة

واليوم صرتوا مثلنــا بدو واعراب


لو الهوى منكم منعتم هبوبـــــه

لا شك رزاق الملا رب الأربــاب


ولو المطر منكم منعتم صبوبـــه

لا شك رزق الخلق من عند وهـاب


جيش الحسد سقتوا علينا حروبــه

كل يبي يزرع على جسمنــا ناب


حرب على المحسن تراهـا عقوبة

بالله عســـاكم ما تفيدون حراب


يا ما عطينــــا ما ندور مثوبه

إلا من اللي من ترجــاه ما خاب


ويا ما نصرنـا صاحب ضيقوا به

عاداتنا نقدم الى مالردى هـــاب


ويامـــا نصانا من تعثر دروبه

يدخل حمانا من تعذرة الأصحـاب


حنـــــا بنينا دارنا من طيوبه

وانتم سلبتوا داركم كل ما طــاب


الله سقانا من بحرنــــا عذوبه

وانهاركم مثل البحر هدر تنسـاب


حنا زرعنا الحب بارض خصوبه

وانتم زرعتوا كره الأجيال بتراب


وحنــا دعينا السلم نوبه ونوبـه

وانتم حمــام السلم بعتوه بغراب


يا من دعا للحرب ما درك خطوبه

لا تحسب أن الحرب تهديد وخطاب


من شب نار الحرب يصلى شبوبه

ومن ثور الفتنة تعرض للأسبـاب


ما يستر الرجــال ملبوس ثوبه

الدين وافعال الكرامــة له ثياب


ما يقبل الرجال بحمـــاه حوبه

مـــا دام له حق وللحق طلاب

صح لسانه كفى ووفى


لاهنت اخوي الغالي على نقل هذه الرائعة

تسلم يا حدباء قذله على النقل

وصح السان الامير خالد الفيصل


واسمح لي بنقل القصيده الى قسم عذب الكلام لانه المكان المناسب للقصايد المنقوله

أرحبو ثم أرحبو

سعيد أبو دية
ولاتهون ولكل مجتهد نصيب

فتى الجوة
ولاتهون ومشكور على المرور

القويفل
من قال سالم وخذ راحتك ومعليش على الغلطة


ومشكورين على المرور جميعاًَ

مشكور على نقل هذه القصيده للامير خالد الفيصل الحقيقه ابيات رائعه
ومن شاعر وامير موهوب ابدع واجاد في كل مجال في الشعر وفي الخطوط التشكليه
وهاهو يرقى بمؤسسة الفكر العربي فشكراً لدايم السيف على هذا الابداع

والشكر للجميع

شكراً لك اخي الكريم على هذا المشاركة