|
مصطلحات لا يعرفها التجار والهوامير
الأخوة الأعزاء
أدناه مصطلحات لا يعرفها الهوامير إنما يعرفها الطفارا ههههههههههههههههههههههه 1-اخر الشهر 2-نبي نسوي جمعيه 3-الحد الائتماني 4-متى الراتب 5-ذبحتنا العنايا 6-طار الرز 7-نفربخاري 8-سندويش فلافل 9-متى ينتهي قرضي 10- تسلفني لاخر الشهر 11- حولي 12- عندك حساب بالراجحي 13- متى ينزل تداول اعمار اوجبل عمر 14- معك ولاعه 15- التلفون يخرفش 16- كم قطه الاستراحه 17- والله ماتدفع 18- اذا نزل سعر n95 نشتري 19- ابي دوره 20- ابي انتداب 21- ذبحونا الشريطيه 22- كم رقمك بالصندوق العقاري 23- كم كيلو ماشيه سيارتك 24- اقطع لي من العلك 25- مضغوطين هالشهر 26- ماتخبر واسطه 27- معك اشتراك ( السياره طفت بي) 28- يقول لمحطه البنزين (عبي عشر ريال) واللي عنده مصطلح آخر يقوله لا يبخل علينا :1107953627: |
رد: مصطلحات لا يعرفها التجار والهوامير
الله يرزقنا من فضله
ولكن تلقى الطلاقة والرجلة عند الناس البسيطة وتلقى البخل والدناءة عند كثير من الهوامير |
رد: مصطلحات لا يعرفها التجار والهوامير
ارحب ياب دغيم
وش هالمصطلحات ما أعرفها ؟؟ :-)وش |
رد: مصطلحات لا يعرفها التجار والهوامير
اقتباس:
المشاركة الأصلية كتبت بواسطة فارس قحطان http://www.qahtaan.com/vb/images/buttons/viewpost.gif ارحب ياب دغيم وش هالمصطلحات ما أعرفها ؟؟ :-)وش تكفأ يا أبو مسفر :021: شوف إذا تبغى دورة لتتعلم هذه المصطلحات بنخلي بن دغيم يقدم الدورة ولكن تراها برسوم وليست مجانية ادفع واحضر الدورة وراح تستفيد بإذن الله |
رد: مصطلحات لا يعرفها التجار والهوامير
اقتباس:
أرحب يابو عبدالله عز الله انك صدقت وأحنا مجربين مثل ما قلت لكن ما نقول الا الله يرزقنا القناعه والصحه والعافيه لاهنت يالذيب عالمرور |
رد: مصطلحات لا يعرفها التجار والهوامير
اقتباس:
أرحب ياخوي فارس ههههههههههههههههههههههههههههههههههههه أجل انت من ذولا الربع ؟ طيب ولا يهمك نعطيك دوره بس مثل ما قال ابو عبدالله برسوم وبندبلها عليك لأنك من قوم الهوامير تسلم يالذيب عالمرور |
رد: مصطلحات لا يعرفها التجار والهوامير
مانقول الا الله يرزقنا وأياكم الجنه
والا الفلوس وصخ دنيا :-) |
رد: مصطلحات لا يعرفها التجار والهوامير
كل ال ٢٨ مصطلح مرت علي , وزيادة .....
|
رد: مصطلحات لا يعرفها التجار والهوامير
اقتباس:
يعطيك العافية يابن دغيم . كم باقي على الراتب ماهو متى الراتب . صدقت أخوي ماجد وإذا ما نسيت فأعتقد باقي إحدى عشر بنر أو مصطلح . إبن دغيم يعطينا فرصة جزاه الله خير . لكم تحيتي وسلامي . |
رد: مصطلحات لا يعرفها التجار والهوامير
اقتباس:
أرحب يابو عصام تقول كلها مرت عليك يعني هالحين ما عادك بمحتاجها صار الورق اللي فيها صورة الملك عبدالعزيز رزم عندك هاا ؟ وانا أقول وش بلا الرجال متغير علينا له كم يوم شايف نفسه ههههههههههههههههههههههههههههههههه تسلم والله عالمرور يالذيب |
| الساعة الآن 02:34 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com