شبكة قحطان - مجالس قحطان - منتديات قحطان - روس الرجال الي تغذاء من الدم

قامت هواجيس الطواري تزاحم
كا الضاميات الواردة في عسمها
....
واخترت من زين التماثيل لي كم
مثايلٍ هاجوس فكري رسمها
....
وبوتقتها بالذوق والكيف والكم
وسمية باسم الله وسما قلمها
....
يأرب عن خافي الأمور أنت تعلم
ولا غيرك احد يا إلهي علمها
....
ويا لله عسى رحمتك يآربي إتعم
وان مارحمت الناس محدٍ رحمها
....
منك السحاب إلي رعوده ترزم
يسقي ديارٍ وقتها قد وسمها
....
ينساق من نجدٍ الى وادي الرم
وينزل على روس الحشش ويهشمها
....
وتخضر الارض وعشبها بعده يزم
وتشبع بها ذود البدو مع غنمها
....
أهل الأصل وأهل الكرم رؤسهم شُوم
محزم ضفر ياسعد منهو زهمها
....
روس الرجال آلي تغذاء من الدم
اشرف من الي ضربها في لحمها
....
والي تحج وحجها في ذرى قم
لا رفعة لأعلام يكسر علمها
....
العقربة سودا وفي ذيلها سم
والحية الرقطاء ملى السم فمها
....
ولي صدم صدام لابد يصدم
إلي بعهده عرش كسرى صدمها
....
بحر الخليج اليوم موجه تلاطم
لأجل المواقف مالقت من حسمها
....
والي تعمك نعمته قلت له عم
لو كان يحسب رمة من رممها
....
تبسط له الذرعان وتقول له سم
وتصبر على العوجا وتخفي المها
....
ولا تشوم وترفع الراس وتزم
وترمي عباة الذل والي لزمها
....
مع وقفة إلي وقفته تجلي الهم
يوفي مكاييل العرب ماظلمها
....
شد السكون ويجبر الكسر ويضم
شمل العرب في كل عزٍ نضمها

ملصقات الأسماء

ستيكر شيت ورقي

طباعة ستيكرات - ستيكر

ستيكر دائري

ستيكر قص على الحدود