احسن الله عزاء الشعب السعودي
 

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="1,black""]
يالله يامنشي السحاب المزابير = يامن رجانا فيه والشبح صوبه
ياعدل يارحمن يارزق الطير=اطلبك ياجزل العطا والمثوبه
ترحم كريم الجاه ريف المسايير = مشرق سنام المجد واخر غروبه
اللي ليا صكة عليه الطوابير = على عدوه بطش كفه عقوبه
وليا ابتسم جاك السعد والتباشير=والله لفعل الخير نور دروبه
سلطان سلطان السعد منبع الخير = كفه نهر جاري ومده عذوبه
سلطان ذخرا في لليالي المعاسير = مثل النسيم اللي براد(ن)هبوبه
له في قلوب الشعب حشمه وتقدير= من غرب مكه لي خليج العروبه
الى روابي نجد وطويق والنير =واقصى شمال الدارواقصى جنوبه
مرحوم يامن غيبته المقادير = شيخ فقدنا غيبته و محسوبه
والقلب يحزن والعباير محادير=والحزن خيم واسدل الليل ثوبه
سلطان خير الله يجزاه بالخير=يارب تعفو عنه واغفر ذنوبه
لكن عوضنا في السيوف المشاهير=اللي ولا الشعب السعودي حظوبه[/poem]

رد: احسن الله عزاء الشعب السعودي
 

ماشاءالله عليك ياسعيد ابو ديه

شاعر متمكن وبارز في ساحة الشعر
وغني عن التعريف

والقصيدة هاذي رائعة من روائعك التاريخية
حقيقة وليست بمجاملة

الله يرحمك يابو خالد ويغفر لك ويسكنك فسيح جناتة

انا لله وانا اليه راجعون

ابو دية اين مفلح السلاطين ابو اسامة
كان يسولف لي عنك دايم ويذكر لي الاعمال المشتركة بينك وبينة

لك مني فائق التقدير والمحبة والاحترام

رد: احسن الله عزاء الشعب السعودي
 

رد: احسن الله عزاء الشعب السعودي
 

يامرحبا يافهيد اناهنا